ПЕШГИРИИ ПАДИДАҲОИ НОМАТЛУБ ВА МАВҚЕИ ҶУМҲУРИИ ТОҶИКИСТОН ДАР ҲАЛЛИ МАСОИЛИ МАРЗӢ ВА ҲАМЗИСТИИ ОСОИШТА

Имрӯз, 15.12.2022 дар толори КИ ҲХДТ дар шаҳри Гулистон тибқи нақшаи тасдиқгардидаи Мақомоти иҷроияи ҳокимияти давлатии вилояти Суғд ва Кумитаи иҷроияи Ҳизби Халқии Демократии Тоҷикистон дар вилояти Суғд вобаста ба пешгирии падидаҳои номатлуб, пешгирии гаравиши ҷавонон ба ҳизбу ҳаракатҳои тундгаро, тавзеҳи мавқеи Ҷумҳурии Тоҷикистон дар ҳалли масоили марзӣ ва ҳамзистии осоишта дар ҷомеа вохӯрӣ доир карда шуд.

Дар вохӯрии мазкур Ғайрат Оқилзода муовини Раиси шаҳри Гулистон, Умаралиева Ӯғулой дотсенти Муассисаи давлатии таълимии Донишгоҳи Давлатии Хуҷанд ба номи академик Бобоҷон Ғафуров, Дилбар Бобоҷонова дотсенти Муассисаи давлатии таълимии Донишгоҳи Давлатии Хуҷанд ба номи академик Бобоҷон Ғафуров, Хуршед Назаров дотсенти Донишгоҳи давлатии ҳуқуқ-бизнес ва сиёсати Тоҷикистон, Муслимахон Ҷамолиён раиси КИ ҲХДТ дар шаҳр ва Фаридуншоҳ Абдуллоев сармутахассиси шуъбаи рушди иҷтимоӣ ва робита бо ҷомеаи дастгоҳи Раиси шаҳр иштирок ва суханронӣ намуданд.

ҶАЛАСАИ КОРИИ НАЗДИ РАИСИ ШАҲР БАРГУЗОР ГАРДИД

Санаи 12.12.2022 дар толори хурди мақомоти иҷроияи ҳокимияти давлатии шаҳр доир ба иҷрои нақшаи даъвати тирамоҳӣ ва омодагӣ ба ҷашни 30-солагии таъсисёбии Қувваҳои Мусаллаҳи Ҷумҳурии Тоҷикистон ва баргузории паради ҳарбӣ ҷаласаи кории назди Раиси шаҳр баргузор карда шуд.

Кори ҷаласаро Раиси шаҳр Раъно Ҳошимзода оғоз намуда, иштирокдоронро бо мавзуъҳои баррасишаванда шинос намуд.

Сипас, комиссари ҳарбии шаҳр Сатторзода Хайрулло подполковники милитсия доир ба иҷрои нақшаи даъват гузориш дод.

Зикр гардид, ки ҷиҳати иҷрои иҷрои Фармони Президенти Ҷумҳурии Тоҷикистон муҳтарам Эмомалӣ Раҳмон “Дар бораи ба эҳтиёт рухсат додани хизматчиёни ҳарбие ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1995-2004 Ҷумҳурии Тоҷикистон ба хизмати ҳарбӣ” аз 03.09.2022, №451 фармоиши Вазири мудофиаи Ҷумҳурии Тоҷикистон аз 05.09.2022, №753, қарори Раиси вилояти Суғд аз 07.09.2022, №364 ва қарори Раиси шаҳри Гулистон аз 16.09.2022, №206 Комиссияи даъват фаъолияти худро ба роҳ монд.

Президенти Ҷумҳурии Тоҷикистон Эмомалӣ Раҳмон ба Президенти Конфедератсияи Швейтсария Инятсио Кассис барқияи шодбошӣ ирсол намуданд

Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти Конфедератсияи Швейтсария муҳтарам Инятсио Кассис барқияи шодбошӣ ирсол намуданд, ки дар он гуфта мешавад:

«Ҷаноби Олӣ,

Лутфан табрикоти самимии ин ҷонибро ба муносибати фаро расидани 30-юмин солгарди истиқрори робитаҳои дипломатӣ миёни Ҷумҳурии Тоҷикистон ва Конфедератсияи Швейтсария бипазиред.

Боиси қаноатмандист, ки тайи давраи сипаришуда робитаҳои гуногунарсаи ҷонибҳо бомаром рушд ёфта, имрӯзҳо фарогири доираи васеи соҳаҳои мухталифи ҳамкориҳои судманду созанда мебошанд.

СЕМИНАРИ ДАСТУРДИҲӢ

Дар толори Кохи фарҳангии “Истиқлол”-и маркази шаҳр санаи 09.12.2022 Тибқи нақшаи тасдиқгардидаи Мақомоти иҷроияи ҳокимияти давлатии вилояти Суғд бо мақсади таъмини риояи санадҳои меъёрии ҳуқуқӣ оид ба қоидаҳои ҳифзи меҳнат, меъёрҳои бехатарии меҳнат ва стандартҳои меҳнат аз ҷониби роҳбарони ташкилоту муассисаҳои давлатӣ ва хусусии шаҳру ноҳияҳои вилоят, инчунин баҳри роҳ надодан ба қонунвайронкуниҳо ва риоя намудани Кодекси меҳнати Ҷумҳурии Тоҷикистон баргузории семинари дастурдиҳӣ аз ҷониби Раёсати хадамоти назорати давлатӣ дар соҳаи меҳнат, муҳоҷират ва шуғли аҳолӣ дар вилояти Суғд дар шаҳри Гулистон бо иштироки намояндагони шаҳрҳои Гулистон, Бӯстон ва Истиқлол баргузор гардид.

Дар саминари мазкур Искандар Муродов роҳбари дастгоҳи Раиси шаҳр, сардори Раёсати хадамоти назорати давлатӣ дар соҳаи меҳнат, муҳоҷират ва шуғли аҳолӣ дар вилояти Суғд Сайфуллозода Ҷамшедхон Сайфулло, Абдуҷаббори Абдуфаттоҳ - сармутахассиси Раёсати Хадамоти назорати давлатӣ дар соҳаи меҳнат, муҳоҷират ва шуғли аҳолӣ дар вилояти Суғд ва Муҳиддинҷон Яъқубӣ - мутахассиси Раёсати Хадамоти назорати давлатӣ дар соҳаи меҳнат, муҳоҷират ва шуғли аҳолӣ дар вилояти Суғд иштирок намуда, доир ба мавзуъҳои тартиби дастурдиҳӣ ба кормандон оид ба ҳифзи меҳнат ва усулҳои бехатарии кор, дастурдиҳии муқадимавӣ, ибтидои дар ҷои кор. Тадбирҳои аввалиндараҷае, ки вобаста ба ҳодисаҳои нохуш ва бемориҳои касбӣ дар истеҳсолот ба амал меояд ва роҳҳои пешгирии он ва доир ба вазифа ва уҳдадориҳои корфармоён тибқи талаботи санадҳои меъёрии ҳуқуқӣ оид ба қоидаҳои ҳифзи меҳнат, меъёрҳои бехатарии меҳнат ва риояи стандартҳои меҳнат тибқи талаботи Кодекси меҳнати Ҷумҳурии Тоҷикистон суханронӣ намуданд.