Рисолати ватандорӣ

Прокурори калони шуъбаи назорати қонуни будани санадҳои судӣ оид ба парвандаҳои ҷиноятии прокуратураи вилояти Суғд, мушовири адлияи дуюм Фаррух Абдулло дар мавзӯи «Паём ва роҳҳои мубориза бар зидди ҷинояту ҷинояткорӣ», ки оид ба пешгирии густариши бесобиқаи фаъолияти ҳаракату равияҳои экстремистӣ ва ифротгароии динӣ равона буд дар назди устодону донишҷӯёни коллеҷи тиббӣ баромад кард.

Мавсуф таъкид дошт, ки бояд ҳар як ҷавон рисолати ватандориро донад ва дар кору пайкори ободгарона саҳмгузор бошад. Чорабинӣ бо суолу ҷавоб анҷом пазируфт.

«Асрори хуфта» дар Қайроққум

Филм баландмазмун бошаду ба қалби тамошобин роҳ ёбад, қаҳрамонҳои он ҳам шинохта мешаванд.

Филмҳои телевизионии «Дар орзуи падар», «Гирдоб» ва монанди инҳо агар Саидҷон Қодириро чун коргардони соҳибкасб байни бинанда муаррифӣ карда бошад, пас Беҳрӯзҷони Саид ҳамчун ҳунарманди хушсалиқа ва боистедод махсусан бо иҷрои нақши Меҳрубон дар филми «Дар орзуи падар» зуд шуҳратёр гардид.

Таҷлили Рӯзи байналмилалии кӯдакон

Ҳамасола дар саросари дунё 1-уми июн ҳамчун Рӯзи умумиҷаҳонии ҳифзи кӯдакон ҷашн гирифта мешавад. Дар Кохи фарҳангии «Истиқлол» ба ин муносибат барномаи идона бо иштироки Раиси шаҳр Матлубахон Амонзода барои 400 нафар кӯдакон доир гашт.

Дар ибтидо Раиси шаҳр кӯдаконро ба муносибати ҷашнашон табрик намуда, ба кӯдакон тӯҳфаҳои мақомоти иҷроияи ҳокимияти давлатии шаҳр дар вазъи тантанавӣ супорида шуд.

Кӯмак ба кӯдакон

Дар арафаи иди кӯдакон баҳри болида гардонидани хотири кӯдакони ятиму маъюб мақомоти иҷроияи ҳокимияти давлатии шаҳр ба 122 нафар кӯдакони маъюб ба миқдори 6100 сомонӣ ва ба 30 нафар кӯдакони ятими кулл  ба миқдори 1500 сомонӣ кӯмаки яквақтаи пулӣ ва туҳфа-шириниҳо супорида шуд.

Чунин чорабиниҳо дар Ҷамоатҳои шаҳракҳо низ гузаронида шудаанд.