Мулоқот бо мактабиён ва волидони онҳо

Субҳи дируз дар шаҳраки Адрасмони шаҳри Қайроққум вохӯриҳо бо зиёда аз 500 нафар ҷавонон аз мактабҳои таҳсилоти миёнаи умумии рақамҳои 4,5,7 ва 13 фаъолони ҳизб ва волидони муҳассилин оиди баромади Ҷаноби Олӣ мӯҳтарам Эмомалӣ Раҳмон бахшида ба 70-солагии Донишгоҳи Давлатии шаҳри Кӯлоб, ҳодисаҳои фоҷиабори санаи 04.09.2015 дар шаҳри Душанбе ва Ваҳдат, пешгирии гаравидани ҷавонон ба гурӯҳҳои террористӣ ва экстремистӣ гузаронида шуд.

Вохӯрӣ аз тарафи мудири шӯъбаи кор бо бонувон Бадалова Саёҳат, мудири шӯъбаи ҷавонон ва ТҶҶ «Созандагони Ватан» Анис Ҳотамӣ, аъзои ихтиёрии «Созандагони Ватан» - Амонов Санҷар гузаронида шуд. Дар вохӯрӣ намояндаи шӯъбачаи шӯъбаи вазорати корҳои дохилӣ дар шаҳраки Адрасмони шаҳри Қайроққум Кассиров Наврӯз иштирок ва баромад намуд.

Роҳ обод – мардум шод

Дар доираи тадбирҳои «Соли 2015-Соли идомаи роҳҳои обод» таъмиру таҷдид ва мумфаршкунии роҳҳо дар қаламрави шаҳр вусъат меёбад.

ҶМ ТКММ «Апрелевка» (директори генералиаш Бахтиёр Маҷидов) бо дастури Раиси шаҳри Қайроққум Матлубахон Амонзода пули дар даромадгоҳи шаҳрак воқеъбударо пурра таъмир намуд. Дарозии купрӯк 80 метр ва паҳноиаш 8 метр аст, ки пурра мумфарш гардид.

Оммавияти варзиш

Муассисаи давлатии «Мактаби варзишии бачагон ва наврасони шаҳри Қайроққум» бо мусоидат ба қарори Раиси шаҳр таҳти №1, аз 5 январи соли 2015 доир ба гузаронидани Рӯзи варзиш ва солимгардонии аҳолӣ шанбеи чоруми моҳи сентябр як қатор чорабиниҳои варзиширо бо ҷалби васеи шаҳрвандон роҳандозӣ намуд.

Дар маркази шаҳр ва шаҳракҳои Зарнисор, Консой ва Адрасмон мусобиқаҳои гуногуни варзишӣ оид ба намудҳои футболу волейбол, шоҳмоту шашка, гуштини юнони-румӣ, карате-до, таэкван-до, варзиши сабук ва бокс миёни ҷомеаҳои меҳнатӣ ва мактабиён гузаронида шуд. Бино бар шарҳи намояндагони масъул теъдоди умумии иштирокчиён зиёда аз 3 ҳазор нафар буд.

Набзи Қайроққум дар ВАО

Родмардони ҷабҳаи сиёсат

«Сухани халқ» 16.09. соли 2015, №34.

Маводи Илҳом Мадализода дар бораи матонату шуҷоат ва мавқеи устувору мустаҳками Сарвари давлат Эмомалӣ Раҳмон рӯи чоп омадааст.

Ифтитоҳи иншоотҳои нав

«Шӯълаи умед» 18. 09. соли 2015, №17.

Хабари расмии Рустамҷон Одизода аз сафари кории Раиси вилоят Абдураҳмон Қодирӣ ба шаҳри Қайроққум дарҷ гардидааст.