Бо мақсади тақвият бахшидани корҳои оммавӣ - мудофиавӣ ва таблиғоти корҳои ҳарбӣ ватанпарастӣ байни ҷавонону наврасон, омода намудани ҷавонони синни тодаъватӣ барои хизмат дар сафи Қувваҳои Мусаллаҳи Ҷумҳурии Тоҷикистон ва бештар ҷалб намудани онҳо ба намудҳои варзиши техникӣ ва ҳарбӣ-амалӣ, Кумитаи шаҳрии ТҶММ бо дастгирии шуъбаи маориф, комиссиарити ҳарбӣ ва бахши кор бо ҷавонон ва варзиши мақомоти иҷроияи ҳокимияти давлатии шаҳр бахшида ба соли 2017 - Соли ҷавонон мусобиқаи ҳарбӣ-варзиши «Шафақ-2017»-ро дар байни хонандагони синфҳои 10-11 баргузор намуданд.
Дар мусобиқаи ҳарбӣ-варзишии «Шафақ-2017» дастаҳои мунтахаби мактабҳои таҳсилоти миёнаи умумии шаҳр иштирок намуданд. Ҳайати дастаҳои мунтахаб аз 11 варзишгар иборат буда, иштирокчиён аз рўйи шартҳои ба қисмҳо ҷудо ва ҷобаҷокунии автомат, турниккашӣ, давидан ба масофаи 100 метр, пўшидани ниқоби зидди газӣ, норинҷакпартоӣ ва бандкашӣ қувваозмоӣ намуданд.
Бахшида ба Рўзи милитсияи тоҷик дар Кохи Истиқлол бо иштирок раиси шаҳри Гулистон муҳтарама Сатториён Матлубахон Амонзода ва фаъолон чорабинии ботантана баргузор гардид.
Дар асоси қарори Раиси шаҳри Гулистон аз №441 аз 15.12.2011 ва барқияи вилоят №381-5 Т аз 20.10.2017 аз ҷониби кормандони шуъбаи хизматрасонии иҷтимоӣ дар хона бахшида ба Рўзи Конститутсияи Ҷумҳурии Тоҷикистон 23 нафар иштирокчиёни барқароркунии сохти конститутсионӣ ва модарони фарзандгумкарда бо маводи ғизоӣ аёдат карда шуданд.
Дирӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе Рустами Эмомалӣ дар ноҳияҳои Исмоили Сомонии пойтахт ва Варзоб бо лоиҳаҳои бунёди Терминали муосири нақлиётӣ, азнавсозии “Кӯли Варзоб”, сохтмони Корхонаи истеҳсоли маҳсулоти сохтмонӣ, Истироҳатгоҳи беруназшаҳрии “Дуои Модар” ва корҳои созандагӣ дар мавзеи “Сафед-дара” шинос шуда, барои оғози лоиҳаҳо асос гузоштанд.
