Маҷлиси васеи Ҳукумати Ҷумҳурии Тоҷикистон

Дирӯз дар бинои Ҳукумати Ҷумҳурии Тоҷикистон таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси васеи Ҳукумати Ҷумҳурии Тоҷикистон баргузор гардид.

Дар маҷлиси васеи Ҳукумати Ҷумҳурии Тоҷикистон нишондиҳандаҳои рушди иқтисодию иҷтимоии мамлакат дар соли 2017 натиҷагирӣ ва вазифаҳои асосӣ барои соли 2018 муайян карда шуд.

Амният ва субот - омили рушд

Дар раванди бартариҷўӣ, мусаллаҳшавии бошитоб, пайдоиши нишонаҳои марҳалаи нави «ҷанги сард» боиси нигаронӣ гардидааст.

Алъон дар олам нооромиву низоъҳо идома ёфта, барои ҷомеаи ҷаҳонӣ ҳамчун айёми пурташвиш эътироф гардид. Дар васоити ахбори омма қариб ҳамарўза дар бораи ҳамлаҳои ғайриинсонии террористон ва ифротгароён ба зиндагии осоиштаи одамон хабар пахш карда мешавад.

Дар Паёми навбатии худ Пешвои миллат муҳтарам Эмомалӣ Раҳмон ин нуктаро мушаххас баён намуда, таъкид карданд, ки идомаи минбаъдаи ин ҳолат метавонад, боиси амиқ гардидани таҳдиду хатарҳои сиёсиву иқтисодӣ, амниятӣ ва башариву фарҳангӣ дар минтақаҳои гуногуни олам гардад.

Соли рушди бонизоми фаъолият

Дар толори калони мақомоти иҷроияи ҳокимияти давлатии шаҳр таҳти раёсати Раиси шаҳри Гулистон Матлубахон Амонзода ҷаласаи фаъолон баргузор гардид.

Муовини Раиси шаҳр Ғайрат Оқилзода доир ба ҷамъбасти фаъолияти соҳаҳои хоҷагии халқи шаҳр дар давоми соли 2017 маърўзаи муфассал намуда, самтҳои асосии иқтисодиёт ва иҷтимоиёти фаъолиятро таҳлил карда, зикр дошт, ки дар соли 2017-ум тамоми соҳаҳои хоҷагии халқи шаҳр фаъолияти бомаром ва бонизом доштанд. Аз ҷумла, ба иқтисодиёти шаҳр дар соли ҳисоботӣ 696,7 миллион сомонӣ инвеститсияҳо ҷалб гардида, аз он 668,8 миллион сомониро инвеститсияи хориҷӣ ва 27,9 миллион сомониро инвеститсияи дохилӣ ташкил дод. Қисми даромади буҷети давлатӣ 109,8 фоиз таъмин гардида, нақшаи даромади буҷети шаҳр 111,9 дарсад ба иҷро расид. Соли 2017 корхонаҳои саноатии шаҳр бо 23 кишвари ҷаҳон равобити тиҷоратӣ дошта, фарқияти содирот аз воридот дар ин давра 2,7 маротиба зиёд шуд.

Ҳидоятномаи фардои дурахшон

силсиламулоқот дар шаҳри гулистон

Бо мақсади шарҳу тавзеҳи Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон гурӯҳи кории Ҳукумати Ҷумҳурии Тоҷикистон бо сокинони шаҳри Гулистон мулоқоту суҳбатҳо доир намуда истодааст.

Дар толори калони мақомоти иҷроияи ҳокимияти давлатии шаҳр бо иштироки аъзои гурӯҳи корӣ мулоқот бо фаъолони соҳаҳои хоҷагии халқи шаҳр баргузор гардид.

Мулоқотро Раиси шаҳри Гулистон Матлубахон Амонзода ҳусни ифтитоҳ бахшида зикр намуд, ки Паёми навбатии Пешвои миллат ҳамчун ҳуҷҷати муайянкунандаи самтҳои асосии сиёсати дохилӣ ва хориҷӣ фарогири масъалаҳои муҳиму рӯзмарра буда, дар он тамоми самтҳои фаълияти ҷомеаи мо ба риштаи таҳлил кашида шуда, вобаста ба таҳлилҳои гузаронидашуда ба таври мушаххас масъалагузориҳо сурат гирифтанд.