Ҷаласа ҷамъбасти семоҳа

Санаи 16 апрел дар Мақомоти иҷроияи ҳокимияти давлатии шаҳр ҷаласа доир гардида, он натоиҷи фаъолияти семоҳаи соҳоти хоҷагии халқро мавриди муҳокима қарор дод. Сатториён Матлубахон Амонзода, Раиси шаҳри Қайроқкум ҷамъомадро ифтитоҳ намуд.

Муовини Раиси шаҳр Ғайратҷон Оқилов оид  ба натиҷаи ҷамъбасти рушди иқтисодиву иҷтимоӣ дар семоҳаи аввали соли 2015 баромад кард. Баромадкунанда иброз дошт, ки Мақомоти иҷроияи ҳокимияти давлатии шаҳр дар ин давра баҳри татбиқ намудани дастуру ҳидоятҳои Президанти мамлакат, Ҷаноби Олӣ, мӯҳтарам Эмомалӣ Раҳмон фаъолиятро роҳандозӣ намуда, ба натиҷаҳои назаррас ноил шуданд. Таҷлили Наврӯзи байналмилал дар вилояти Суғд ва иштироки Сарвари давлат дар ифтитоҳи корхонаҳои нав, манзили истиқоматӣ, ки аз ҷониби соҳибкор Турсуной Зокирова бунёд ёфт ба кулли сокинони шаҳр руҳу илҳоми тоза бахшид.

Оилаи солим

Рӯзи панҷшанбеи 16 апрел дар қаламрави шаҳр «Рӯзи ягонаи ахбори сиёсӣ» доир шуд.

Оид ба мавзӯи «Оилаи солим – ҷомеаи солим» масъулини мақомоти иҷроияи ҳокимияти давлатии шаҳр дар назди намояндагони ҷомеаҳои меҳнатии Маркази саломатӣ, коллеҷи тиббӣ, гимназия, ҶСК «Қолинҳои Қайроққум» ва дигар ташкилоту корхонаҳо баромад намуданд.

Сафари кории Раиси шаҳр ба Навгарзан

Матлубахон Амонзода, Раиси шаҳр ҷиҳати шиносоӣ аз вазъи иқтисодӣ ва иҷтимоӣ ба Ҷамоати шаҳраки Навгарзан сафарикорӣ анҷом дод.

Раиси шаҳр дар ҷараёни сафараш нахуст ба мактаби таҳсилоти миёнаи умумии рақами 11 омада, аз вазъи таълиму тарбия, шароити кории омӯзгорону таҳсили муҳассилин ошно гашт. Бояд зикр кард, ки мактаби мазкур аз лиҳози тарҳи лоиҳа нодиртарин маҳсуб ёфта, бо тамоми талаботҳои зарурӣ ҳанӯз ним аср қабл бунёд ёфтааст ва албатта, имрӯз ба таъмири ҷиддӣ ниёз дорад. Ҳайати омӯзгорон дастуру супоришҳои Раиси шаҳрро ҷиҳати мувофиқ ба талаботи рӯз-дар сатҳи баланд ба роҳ мондани таълиму тадриси хонандагон ва ахлоқи ҳамида самимона пазируфтанд.

Афзоиши истеҳсолот дар семоҳа

Бино ба маълумоти расмии оморӣ дар ин семоҳаи сипаришуда кулли корхонаҳои саноатии шаҳр тавлиди маҳсулотро ба миқдори 222 миллиону 78,5 ҳазор сомонӣ расониданд, ки нақшаи  дурнаморо 103,4 дарсад  таъмин мекунад. Дар қиёс баҳамин давраи соли 2014 афзоиши истеҳсоли маҳсулот ба маблағи 7 миллиону 274,6 ҳазор сомониро ташкил медиҳад.

Чун ҳамешагӣ кори муназзам ва мӯътадили ҶДММ "Ширкати саноатӣ-кӯҳии Тоҷикистону Чин", КМ ТКММ "Апрелевка", ҶДММ "Чархи гардун" ва ҶДММ "Хубон" ба мушоҳида расида, дар самти рушди истеҳсолӣ мақоми пешравро ноил шуданд.