Комёбии китобдорони гулистонӣ

Ба муносибати 20-солагии Ваҳдати миллӣ, 20-солагии Иҷлосияи ХVI Шўрои Олии Ҷумҳурии Тоҷикистон, 100-солагии Китобхонаи вилоятии ба номи Тошхўҷа асирӣ дар китобхонаи вилоятии ба номи Тошхўҷа Асирӣ озмуни вилоятии "Китобдори сол-2017" байни 18 шаҳру ноҳияҳои вилоят ҷамъбаст гардид.

Дар он сардори шуъбаи пуркунӣ ва коркарди адабиётҳои Китобхонаи марказии шаҳр Ширинмоҳ Султоналиева соҳиби "Шоҳҷоиза" ва ифтихорномаву туҳфаи Раёсати фарҳанги вилоят гардид.

Инчунин озмуни даври дуюми "Беҳтарин хонандаи китобҳои бадеӣ" низ ҷамъбаст гардид, ки дар он аз шаҳри Гулистон Зебои Собитдухт хонандаи синфи 7-и мактаб - гимназияи ба номи Бобоҷон Ғафуров фаъолона иштирок намуд.

Дастоварди варзишии андозчиён

Ба муносибати 25-умин солгарди Иҷлосияи сарнавиштсози 16-уми Шўрои Олии Тоҷикистон ва Соли ҷавонон дар байни кормандони нозироти андози вилоят мусобиқаи волейбол барои дарёфти "Ҷоизаи Раиси Кумитаи андози назди Ҳукумати Ҷумҳурии Тоҷикистон" баргузор гардид.

Дар ин мусобиқа кормандони нозироти андози шаҳри Гулистон фаъолона ширкат варзида, сазовори мақоми ифтихории ҷойи дувум гардида, бо диплом ва ҷоиза сарфарозонида шуданд. Ҳайати эҷодии "Соҳил" дарёфти мақоми ифтохириро ба кормандони нозироти андзои шаҳри Гулистон табрик намуда, барояшон комбёбиҳои беназир таманно даранд.

Ёрии методӣ

Тибқи нақшаи кории Кумитаи иҷроияи ҲХДТ бо мақсади расонидани ёрии методӣ ба ҳуҷҷатгузории ташкилоти ибтидоии ҷамоати Адрасмон, раиси КИ ҲХДТ Муслимахон Ғайбуллозода ва мудири шуъбаи кор бо занон ва ҷавонон ҳуҷҷатгузории ташкилоти ибтидоиро аз назар гузарониданд.

Зимни аз назар гузаронидани ҳуҷҷатгузорӣ дар доираи санадҳои меъёрию ҳуқуқии вобаста ба фаъолияти ҳизб, Оиномаи он, Низомнома оид ба тартиби ба қайдгирии узвият ба ҲХДТ суҳбат намуда, корҳои фаҳмондадиҳӣ ба роҳ монда шуд. Гўшаи ҳизбӣ, ҳуҷҷатгузории ташкилоти ибтидоии ҷамоати дуруст роҳандозӣ шуда, барои соли 2018 баҳри пешбурди кори ташкилоти ибтидоӣ нақшаҳои зиёд пешбинӣ шудааст.

Рўзи ҳизб дар “Баҳористон”

Дар ташкилоти ибтидоии «Баҳористон» бо ташаббуси кумиҷроияи шаҳр бахшида ба Рўзи таъсисёбии ҲХДТ бо фаъолони ҳизб, занон, ҷавонон конференсия ташкил ва баргузор гардид.

Дар конференсия раиси КИ ҲХДТ Муслимахон Ғайбуллозода, мудири шуъбаи кор бо занон ва ҷавонони ҳизб, директори осоишгоҳи «Баҳористон» иштирок ва баромад намуда, ҳозиринро бо ин муносибат шодбош намуданд.