ГУЛИСТОН: НАТИҶАГИРӢ АЗ ФАЪОЛИЯТИ СОҲАҲОИ ХОҶАГИИ ХАЛҚИ ШАҲР ДАР СЕМОҲАИ АВВАЛИ СОЛИ 2025

Санаи 16.04.2025 дар толори хурди мақомоти иҷроияи ҳокимияти давлатии шаҳр ҷаласаи ҷамъбастии натиҷаҳои семоҳаи аввали рушди иқтисодиву иҷтимоии шаҳр баргузор карда шуд.
Дар маҷлиси фаъолон муовини Раиси вилояти Суғд Зайнура Азимӣ ва  Раиси шаҳри Гулистон Илҳом Пӯлотзода иштирок доштанд.
Ҳамчунин, муовинон ва роҳбари дастгоҳи Раиси шаҳр, мудирони шуъбаву бахшҳо, роҳбарони корхонаҳо, раисони ҷамоати шаҳракҳо ва роҳбарони мақомотҳои ҳифзи ҳуқуқи шаҳр иштирок намуданд.

Пешгирии падидаҳои номатлуб дар ҷомеа ва масъулият дар таълиму тарбияи кӯдак сармоягузорӣ ба хотири фардост

Санаи 15.04.2025 тибқи нақшаи муштараки сохторҳои МИҲД шаҳри Гулистон дар толори МТМУ №6 Ҷамоати шаҳраки Зарнисор бо ҷалби ҷавонон ва волидайни онҳо дар мавзуи “Пешгирии падидаҳои номатлуб дар ҷомеа ва масъулият дар таълиму тарбияи кӯдак сармоягузорӣ ба хотири фардост” хониши сиёсӣ баргузор карда шуд.

Дар хониши сиёсии мазкур мудири бахши кор бо ҷавонон ва варзиши шаҳри Гулистон Аҳлиддин Абдураҳмонов, сардори шуъбаи Агентии меҳнат ва шуғли аҳолӣ Ҷуразода Бахтовар, мудири бахши ҷавонони КИҲХДТ дар шаҳри Гулистон Абдуллоев Фаридуншоҳ, директори МТИ шаҳри Гулистон Бобоев Эмомалӣ ва раиси Ҷамоати шаҳраки Зарнисор Шарипова Шаҳло иштирок ва суханронӣ намуданд.

БАРГУЗОРИИ МУЛОҚОТИ РАИСИ ШАҲР ИЛҲОМ ПӮЛОТЗОДА БО ДОНИШҶӮЁНИ ГУЛИСТОНИИ МУАССИСАҲОИ ТАҲСИЛОТИ ОЛӢ ВА МИЁНАИ КАСБИИ МАРКАЗИ ВИЛОЯТИ СУҒД

Санаи 14 апрели соли 2025 вохӯрии Раиси шаҳри Гулистон Илҳом Пӯлотзода бо донишҷӯёни шуъбаҳои рӯзонаи муассисаҳои таҳсилоти олӣ ва миёнаи касбии маркази вилоят дар МД “Қасри ҷавонон ба номи Лоиқ Шералӣ” баргузор карда шуд.

Дар вохӯрии мазкур Раиси шаҳри Гулистон Илҳом Пӯлотзода ва муовини Раиси вилояти Суғд Зуфар Исмоилзода иштирок ва суханронӣ намуданд.

Раиси шаҳр Илҳом Пӯлотзода зимни суханронӣ, зикр дошт, ки дар партави сиёсати хирадмандонаи Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар Ҷумҳурии Тоҷикистон ҷиҳати дастгирии сиёсати давлатии ҷавонон - қишри созандаи ҷомеа таваҷҷуҳи хоса зоҳир гардида, дар ин самт як қатр корҳои назаррас ба сомон расонида шуда, барои ташаккули ҳамаҷонибаи онҳо ҳамаи шароити заруриро фароҳам оварда шудааст. Ҷавонон, неруи бузурги созандаву бунёдкор, сарчашмаи ташаббусҳои бузург, манбаи ғояҳои нав ва ояндаи миллату давлат ҳастанд.

Намоянда аз шаҳри Гулистон ғолиби даври ниҳоии озмуни ҷумҳуриявии “Кадбонуи беҳтарин”

Даври ҷамъбастии Озмуни ҷумҳуриявии «Кадбонуи беҳтарин» бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон дар якҷоягӣ бо вазорату идораҳои дахлдори давлатӣ, мақомоти иҷроияи ҳокимияти давлатии вилоятҳо ва шаҳру ноҳияҳои ҷумҳурӣ дар пойтахти мамлакат шаҳри Душанбе доир гардида, дар он муовини Сарвазири Ҷумҳурии Тоҷикистон Мансурӣ Дилрабо ва раиси Кумитаи кор бо занон ва оилаи назди Ҳукумати Ҷумҳурии Тоҷикистон Файзиддинзода Бунафша, сокинону меҳмонони дохилу хориҷи мамлакат, роҳбарону намояндагони вазорату идораҳо, ташкилоту муассисаҳо, беҳтарин кадбонуҳои ВМКБ, вилоятҳои Суғду Хатлон, шаҳри Душанбе, шаҳру ноҳияҳои тобеи ҷумҳурӣ ва ноҳияҳои минтақаи Рашт иштирок намуданд.

Озмуни мазкур дар асоси “Ҷадвали баргузории ҷашну солгард, фестивалу намоиш, иду озмунҳои фарҳангию маърифатӣ ва анъанаю ҳунарҳои мардумӣ дар Ҷумҳурии Тоҷикистон барои солҳои 2025” дар се давр:

- даври якум дар сатҳи шаҳру ноҳияҳо бо муайян намудани кадбонуҳои беҳтарин аз маҳаллаҳо, деҳа, деҳот, шаҳраку ҷамоатҳо, шаҳру ноҳияҳо;

- даври дуюм дар сатҳи вилоятҳо, шаҳри Душанбе ва шаҳру ноҳияҳои тобеи ҷумҳурӣ роҳандозӣ гардида,

- даври ҷамъбастии озмун дар шаҳри Душанбе баргузор гардид.