ЗИШТКОРИИ ДУШМАНОНИ МИЛЛАТ

Ба ҳамагон маълум аст, ки хоинони Ватан дар кишвар бо супориши хоҷагони хориҷиашон ҷанги таҳмилии шаҳрвандиро ташкил намуданд ва мақсади аслиашон ба қисматҳо тақсим намудани Ватан буд. Шукронаи беҳад, ки пеши роҳи ин нақшаи ғаразноки душманони миллат гирифта шуд.

Ҳоло насли ҷавон бояд огоҳӣ дошта бошад, ки аъзои ташкилоти террористӣ-экстремистии ҳизби наҳзат ба хотири сарвату дороӣ боз ҳам амалҳои нангинро содир мекунанд.

Ҳоло Ҷумҳурии Тоҷикистон бо зиёда аз 160 давлати ҷаҳон робитаи дипломатӣ барқарор намудааст ва бо зиёда аз 100 давлати ҷаҳон иртиботи тиҷоратӣ ба роҳ мондааст, ки ин нишондиҳандаи назаррас мебошад.

Пешвои миллат Эмомалӣ Раҳмон дар ҷаласаи XX Шӯрои машваратӣ оид ба беҳтар намудани фазои сармоягузорӣ иштирок намуданд

12 феврал таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Шӯрои машваратӣ оид ба беҳтар намудани фазои сармоягузорӣ муҳтарам Эмомалӣ Раҳмон ҷаласаи XX Шӯро баргузор гардид.

Дар ҷаласа масъалаҳои ҷараёни иҷрои қарорҳои Шӯрои машваратӣ, натиҷаҳои таҳлили рушди кластерӣ дар соҳаи агросаноатӣ ва масъалаҳои асосии лоиҳаи рӯзномаи ҷаласаи ояндаи Шӯрои машваратӣ мавриди баррасӣ қарор гирифт.

Зимни баррасии масъалаҳои ҷаласа, Пешвои миллат муҳтарам Эмомалӣ Раҳмон вобаста ба амалисозии тадбирҳо дар самти  устувор намудани мавқеи ҷумҳурӣ дар ҳисоботи “Пешбурди соҳибкорӣ”, муосиргардонии хизматрасониҳои давлатӣ ба доираҳои тиҷоратӣ дар асоси роҳандозии ҳуҷҷатгузории электронӣ, содагардонии расмиёти фаъолияти соҳибкорӣ ва таъмини фазои мусоиди сармоягузорӣ дар мамлакат, фаъолияти шӯроҳои машваратии минтақавӣ ва арзёбии фаъолияти мақомоти иҷроияи ҳокимияти давлатии вилоятҳо, шаҳру ноҳияҳо оид ба беҳтар намудани фазои сармоягузорӣ ва соҳибкорӣ, ташкили ҷойҳои нави кор ва фаъол гардонидани сармоягузории хусусӣ, ташкили рейтинги миллӣ, низоми электронии Равзанаи ягона барои амалиётҳои содиротию воридотӣ, таъмини сифати баланди алоқаи интернет барои роҳандозии хизматрасониҳои электронии давлатӣ, ташкил ва рушди занҷираи иловашудаи маҳсулоти ниҳоӣ (кластерӣ) дар бахши агросаноатии ҷумҳурӣ, тибқи занҷираи “ашёи хом — истеҳсоли маҳсулоти ниҳоӣ — дарёфти бозори фурӯш” ва дигар масъалаҳо ибрози назар намуданд.

БАРОИ ПЕШРАФТ ВА ЗИНДАГИИ ШОИСТА

Дар толори Қасри фарҳангии “Истиқлол”-и шаҳри Гулистон тибқи қонунгузории интихобот мулоқоти гурӯҳи кории Кумитаи марказии иҷроияи ҲХДТ бо интихобкунандагони шаҳр бо мақсади муаррифии Барномаи пешазинтихоботии ҲХДТ баргузор гардид.

Вохӯрӣ бо садо додани Суруди миллии Ҷумҳурии Тоҷикистон оғоз гардид. Раиси шаҳри Гулистон Фирдавс Шарифзода мулоқотро бо сухани муқаддимавӣ ифтитоҳ намуд. Зикр гардид, ки тибқи Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон» бо мақсади тарғибу ташвиқи барномаҳои пешазинтихоботии ҳизбҳо баргузор мегардад.

Дар мулоқот Асрор Латифзода, муовини Раиси Ҳизби халқии демократии Тоҷикистон, Дилрабо Мансурӣ, доктори илмҳои техникӣ, узви вобастаи академияи илмҳои Ҷумҳурии Тоҷикистон, Матлубахон Сатториён, раиси Кумитаи иҷроияи Ҳизби халқии демократии Тоҷикистон дар вилояти Суғд, фаъолони Ҳизби халқии демократии Тоҷикистон, роҳбарони корхонаву муассисаҳо, раисони маҳаллаҳо, раисони ташкилотҳои  ибтидоӣ, аъзои Ташкилоти ҷамъиятии ҷавонон “Созандагони Ватан” иштирок доштанд.

ФЕСТИВАЛ-ОЗМУНИ ШАҲРИИ «АТЛАСУ АДРАС-2020»

Дар Кохи фарҳангии «Истиқлол» фестивал  - озмуни шаҳрии атласу адрас дар шаҳри Гулистон баргузор гардид.  Дар чорабинӣ 62 нафар  бо намоиши сару либоси миллӣ иштирок карданд. Духтарон бо либоси миллии кӯдакона, рӯзмарра, расмӣ, идона ва бо либоси арӯсию домодӣ намоиш доданд, ки тамошобинон аз нозукиҳои духт ва либоси миллӣ бархурдор гардиданд.

Фестивали атласу адрас пеш аз ҳама, ҷиҳати ҷалби ҷавонон барои гиромидошт ва либосҳои шинами миллӣ, эҳтиром гузоштан ба либосҳои миллии тоҷикӣ ва тарғиби неки анъанаҳои неки либоспӯшии тоҷикон нигаронида шуда, ҳисае аз ташаббусҳои бахши кор бо занон ва оилаи мақомоти иҷроияи ҳокимияти давлатии шаҳри Гулистон дар ин самт арзёбӣ гардид.