Дастгирии ниёзмандон

Дар шаҳри Гулистон барои дастгири ашхоси ниёзманд аз ҷониби мақомоти иҷроияи ҳокимияти давлатии шаҳр тадбирҳои зарурӣ андешида мешаванд. Дар даҳ моҳи соли равон аз тарафи мақомоти маҳаллӣ, корхонаву ташкилотҳо ва соҳибкорони маҳаллӣ ба қариб 3 ҳазор нафар оилаҳои ниёзманд ба маблағи 400 ҳазор сомонӣ кӯмакҳои моддӣ ва молиявӣ расонида шуд. Ҳамзамон, ба 945 нафар хонандагон аз  оилаҳои камбизоат ҷубронпулӣ ба маблағи 18,9 ҳазор сомонӣ пардохт гардид.

- Бо ибтикори  мақомоти иҷроияи ҳокимияти давлатии шаҳр, - иброз намуд мудири бахши ҳифзи иҷтимоии шаҳр Муслимахон Исоқова, -  ҳамзамон 130 нафар оилаҳои эҳтиёҷманд ба корхонаву муассисаҳои шаҳр вобаста карда шудааст, ки онҳо дар арафаи ҳар иду ҷашнҳо мунтазам аёдат карда мешаванд.

Рушди истеъдодҳо

Дар гимназияи ба номи академик Бобоҷон Ғафурови шаҳри Гулистон семинари директорони Марказҳои дарёфт ва рушди истеъдодҳои шаҳру ноҳияҳои вилоят дар мавзӯи «Истиқлолият – немаъти бебаҳост» баргузор гардид.

Дар мизи мудаввар роҷеъ ба мавзӯи номбурда хонандагони болаёқати шаҳри гулистон ва ноҳияи Ашт маводҳо ва наворҳои таҳиякарда худро манзури иштирокчиён намуданд.

Дар қисмати дигари кори семинар раванд татбиқи  Барномаи давлатии рушди истеъдодҳо мавриди муҳокима ва баррасӣ гардид. Дар интиҳо ширкатдорони семинар нисбати густариши фаъолияти минбаъда мубодилаи афкор намуданд. Дар кори семинар директори Маркази дарёфт ва рушди истеъдодҳои назди раёсати маорифи вилояти Суғд Д. Исмоилова иштирок ва суханронӣ намуд.

Тақвияти корҳои созандагӣ

Дар толори калони мақомоти иҷроияи ҳокимияти давлатии шаҳри Гулистон ҷаласаи ҳисоботӣ роҷеъ ба фаъолияти соҳаҳои хоҷагии халқи шаҳр дар давоми нуҳ моҳ мавриди баррасӣ қарор гирифт. Дар ҷаласа намояндагони сохторҳои мақомоти маҳаллӣ, ниҳодҳои қудратӣ, Ҷамоати шаҳракҳо, корхонаву муассиса, ташкилоту идораҳо ва фаъолони шаҳр иштирок доштанд.

Муовини Раиси шаҳри Гулистон Ғайратҷон Оқилов доир ба фаъолияти соҳаҳои хоҷагии халқи шаҳр дар нуҳмоҳаи соли 2016 маърӯза намуда, зикр кард, дар ин марҳила дар натиҷаи татбиқи саривақтии вазифаҳои муайяншуда ба дастовардҳо ва нишондиҳандаҳои хуб муяссар гардид. Мавсуф зикр кард, ки дар нуҳмоҳа ба қисми даромади буҷети давлатӣ 66,8 млн. сомонӣ маблағҳои андозу пардохтҳо ворид гашт ва он баробар ба 102,8 фоизи нақшаи пешбинишуда мебошад. Ба буҷет 1 млн. 849,2 ҳазор сомонӣ аз нақша зиёд маблағ ворид гашт. Нақшаи қисми хароҷоти буҷети маҳаллӣ 100,1% иҷро шуда, ба ду соҳҳои асосӣ - маориф ва тандурустӣ 13,5 млн. сомонӣ, ё 68,8% маблағи буҷет равона гашт.

Меҳргон дар Гулистон

Бо ибтикори  мақомоти иҷроияи ҳокимияти давлатии шаҳри Гулистон бахшида ба Иди Меҳргон дар майдони бозори шаҳр ярмарка-фурӯши маҳсулоти кишоварзӣ ва молҳои ниёзи мардум баргузор гардид. Дар он намояндагони сохторҳои мақомоти маҳаллӣ, ниҳодҳо қудратӣ, корхонаву муассисаҳо, ташкилотҳо ва сокинони маркази шаҳр иштирок намуданд.

Дар ярмарка-фурӯш маҳсулоти корхонаву муассисаҳои шаҳр ва хоҷагиҳои деҳқонии ҳамсояноҳияи Бобоҷон Ғафуров маҳсулоти худро бо нархҳои нисбатан ба бозор ба андозаи 15-20 фисад арзон ба харидорон пешкаш намуданд. Дар ярмарка-фурӯш маҳсулотҳои мавриди ниёз ва кишоварзӣ, ба миқдори 4 тонна орд, 500 килограмм равған, 5 тонна пиёз, 3 тонна картошка, 1 тонна сабзӣ, 1 тонна себ, 500 килограммӣ ангур, бодиринг, помидор, карам, 400 килограмм моҳӣ, 500 килограмм асал ва монанди ин ба фурӯш бароварда шуд. Сокини маркази шаҳр Саёҳат Бадалова нисбати ташкили ярмарка-фурӯш ибрози андеша намуда, аз ҷумла чунин зикр дошт: