Изҳори миннатдорӣ

Мо истиқоматкунандагони шаҳри Гулистон, кўчаи ба номи Мирзо Турсунзода хонаҳои 3,5,7 аз набудани оби нўшокӣ хеле танқисӣ мекашидем. Барои ҳалли ин масъала ба Раиси шаҳр Матлубахон Амонзода муроҷиат намудем. Хушбахтона ин муаммо бо зудӣ ҳалли худро ёфт. Мутахассисони корхонаи обтаъминкунии шаҳр ва мутассадиёни бахши нақлиёт ва коммуникатсияи МИҲД-и шаҳр масъалаи мазкурро дар ҷояш мавриди ҳаллу фасл қарор доданд.

Кулли бошандагони маҳаллаи номбурда тавассути нашрияи дўстдоштаамон “Соҳил” ба Раиси шаҳри Гулистон Матлубахон Амонзода барои ҳалли саривақтии мушкилотамон ва таъмини аҳолӣ бо оби ошомиданӣ изҳори сипос менамоем.

Никто не забыт, ничто не забыто!

Ряд торжественных мероприятий, посвященных великому Дню Победы прошел в городе Гулистоне.

-Сегодня в нашем городе, к сожалению, остался только один ветеран Вохид Самадов. 3 апреля в ИОГВ города от имени Президента нашей республики Лидера нации Эмомали Рахмона, Бозорали Одиназода – заместитель министра образования и науки,  вручил  денежное поощрение. Представитель от имени председателя области А.Кодири, главный специалист отдела информации аппарата ИОГВ области  Бозорбой Розыкзода также вручил денежное поощрение. Начальник Управления образования Согдийской области  Осимджон  Каримзода и заместитель председателя города Гулистон Г.А.Окилов горячо поздравили ветерана с праздником,  пожелав ему долгих лет жизни, крепости  духа, здоровья.

Воҳид Самадов – истиқболи 71 соли ғалаба

Дар арафаи таҷлили 71-умин солгарди Рўзи Ғалаба муовини Вазири маориф ва илми Ҷумҳурии Тоҷикистон Бозоралӣ Одиназода ва Бозорбой Розиқзода, сармутахассиси шўъбаи иттилоотию таҳлилии Раиси вилояти Суғд ва муовини Раиси шаҳри Гулистон Ғайратҷон Оқилов аз номи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ва Раиси вилояти Суғд Абдураҳмон Қодирӣ собиқадори Ҷанги Бузурги Ватанӣ Воҳид Самадовро, ки баҳори умраш ба 93 расида, Иди Ғалабаро бори 71-ум истиқбол мегирад самимона табрик гуфта барояш тани сиҳату рўзгори обод таманно карданд ва таъкид бар он доштанд, ки Ҳукумат ва давлати Тоҷикистон, хосатан Сарвари давлат ғамхориву меҳрубониро дар ҳаққи кулли пирони кишвар дар мадди аввал қарор медиҳанд.

Дар вазъияти тантанавӣ ба иштирокчии Ҷанги Бузурги Ватанӣ Воҳид Самадов кўмаки яквақтаи пулӣ супорида шуд.

Муборакбодии Раиси шаҳри Гулистон Матлубахон Амонзода ба шарафи 71 солагии Рўзи Ғалаба

Ҳамшаҳриёни азиз!

Собиқадоронии арҷманд!

Ҳамаи шуморо ба шарафи санаи бузург ва муқаддас – Рўзи Ғалаба, ки 71 сол муқаддам ба яке аз ҷангҳои даҳшатноктарин ва фоҷиабори асри ХХ хотима гузошт, самимона табрик гуфта, бароятон сулҳу оромӣ ва саломативу хушбахтӣ орзу менамоям.

Нўҳуми майи соли 1945 дар таърихи мардуми сулҳпарвару озодихоҳи тоҷик ҳамчун натиҷаи корнамоиҳои беназир ҳам дар ҷабҳаи набард ва ҳам дар ақибгоҳ арзёбӣ мегардад.

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон барҳақ гуфтаанд.

«Хурду бузурги Тоҷикистон ба хотири ҳифзи Ватан ва таъмини ҳарчи зудтари пирўзӣ дар ҷанг қаҳрамониҳои бемислу монандеро нишон додаанд».