Ба таваҷҷуҳи падару модарон, омӯзгорон ва хонандагон!

Маркази дарёфт ва рушди истеъдодҳои назди шуъбаи маорифи шаҳри Қайроққум бо ҳадафи ҷалби хонандагон ба донишомӯзӣ ва дарёфти истеъдодҳои нав хоҳишмандонро дар самтҳои зер даъват менамояд:

-омодасозии хонандагон ба озмун, Академияи хурди илмҳо ва ҳамаи намуди олимпиадаҳо аз фанҳои таълимӣ;

-тайёр кардани шавқмандон ба ҷодаи фарҳанг;

-тарбияи соҳибистеъдодҳо дар эҷоди шеъру тарона ва дигар ҷанрҳои рӯзноманигорӣ;

Соҳиби грант шудан мехоҳед?

Қарори Раиси вилояти Суғд Абдураҳмон Қодирӣ аз 29 январи соли 2016, таҳти №45 “Дар бораи таъсиси грантҳо барои дастгирии рушди ҳунарҳои дастӣ ва меҳнати ҳонагӣ дар соли 2016” ба тасвиб расид. Тибқи он 30 грантҳои Мақомоти иҷроияи ҳокимияти давлатии вилоят, аз ҷумла 7 грант ҳар яке 10000 сомонӣ, 5 грант ҳар яке 8000 сомонӣ ва 18 грант ҳар яке 5000 сомонӣ ҷиҳати эҳёи ҳунарҳои миллии ниёгон ва бо ҷойи кор таъмин намудани занону духтарон муайян карда шудааст.

Хоҳишмандон барои маълумоти саҳеҳ гирифтан метавонанд ба телефони (83443) 2-40-26 муроҷиат намоянд.

Бахши кор бо занон ва оилаи
дастгоҳи Раиси шаҳри Қайроққум

Ҷонибдорӣ аз Паём

Дар МТМУ-и №8 ҷиҳати фаҳмонидани мазмуну муҳтавои Паёми навбатии Пешвои миллат ба Маҷлиси Олии Ҷумҳурии Тоҷикистон бо иштироки омӯзгорону хонандагон мулоқот баргузор гардид.

Чорабиниро директори муассисаи таълимӣ Садоқат Норматова ҳусни ифтитоҳ бахшида, доир ба паҳлуҳои асосии Паём суханронӣ кард. Бобати баланд бардоштани савияи дониши хонандагон, ҷавобгӯ будани он ба талаботи меъёрҳои байналмилалӣ, пешгирии шомилшавии ҷавонон ба ҳизбу ҳаракатҳои тундгаро ибрози назар намуд.

Башоратномаи суботи комил

Бо мақсади омӯзиши дақиқу саҳеҳ ва ташреҳу  шарҳи паҳлуҳои Паёми навбатии Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон санаи 1 феврали соли равон тибқи нақшаи МИҲД-и шаҳр вохӯрӣ бо сокинони маҳаллаи №1 – кӯчаҳои Истиқлол, Исмоили Сомонӣ ва Ҳоҷамбердиев баргузор гардид. Дар мулоқот намояндагони МИҲД-и шаҳр ва кумиҷроияи ҲХДТ дар шаҳри Қайроққум ширкат доштанд.

Мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр Илҳом Мадализода чорабиниро ифтитоҳ карда, дар бораи ҳадаф ва мақсади мулоқот, ҳамзамон роҷеъ ба таъкидоти Асосгузори сулҳу Ваҳдати  миллӣ - Пешвои миллат, ки дар Паём ироа гардидааст, аз ҷумла «Ҷомеаи мо ҷузъи ҷудонашавандаи ҷомеаи ҷаҳонист ва таъсири ҷараёни ифротии навзуҳур тавассути шабакаи интернет ва дигар воситаҳои иттилоотӣ ба шуури баъзе аз ҷавонони ноогоҳи мо низ эҳсос мегардад. Як қисми ҷавонон дар пайравӣ аз ҳамин андешаҳои ифротӣ, ҳатто арзишҳои миллиро аз нигоҳи маҳдуди худ ширку бидъан эълон кардаанд» ҳарф зада, бо арқому далелҳои қотеъ доир ба симои манфури бадхоҳони миллати тоҷик ва зуҳуроти номатлуби ҷомеа суханронӣ кард.