Пешгирии заҳмати наврасон

Тибқи қарори Раиси шаҳр аз 2 феврали соли 2016, таҳти №26 Шӯрои ҳамоҳангсозии байниидоравӣ оид ба барҳамдиҳии шаклҳои бадтарини меҳнати кӯдакон дар шаҳри Қайроққум иборат аз 19 нафар таъсис дода шуд. Ҷадвали баргузории санҷишҳо дар корхонаву муассисаҳо таҳия гардидааст, ки фаъолияти ҳайати Шӯро аз рӯи он роҳандозӣ мешавад.

Сухан аз таҷрибаи гузашти айём

Вохӯрии мактабиёни МТМУ-и №1 бо намояндагони Шӯрои собиқадорони ҷангу меҳнат ва ҷанговарони байналмилал доир гардид. Раиси Шӯрои собиқадорони ҷангу меҳнат Муҳаммадҷон Файзуллоев, сарбозони байналмилал Абдурасул Қодиров ва Қурбоналӣ Бозоров ба сухан баромада оид ба оқибатҳои мудҳиши ҷанг, расидан ба қадри сулҳ, хотираҳои айёми набард дар Афғонистон нақлҳои ҷолиб намуданд.

Чунин вохӯриҳо дар дигар муассисаҳои таълимии шаҳр низ ба вуқӯъ пайвастанд.

Спартакиадаи мактабиён

Муассисаи давлатии “Мактаби варзишии бачагон ва наврасони шаҳри Қайроққум” спартакиадаи мактаббачагони шаҳрро оид ба шоҳмот ва шашка гузаронид. Зиёда аз 25 нафар хонандагон аз муассисаҳои таълимии рақамҳои 1, 14, 5 ва 7 дар чорабинӣ ширкат варзиданд.

Дар мусобиқаи шоҳмотбозӣ мақоми аввалро Абдумаҷид Рустамов, ҷойҳои минбаъдаро дугоникҳо аз шаҳраки Адрасмон Ҳасан ва Ҳусейн Мадаминовҳо сазовор гаштанд.

Мулоқоти судманд

Тибқи нақшаи  мақомоти иҷроияи ҳокимияти давлатии вилояти Суғд ва зимни дастури роҳбари дастгоҳи иҷроияи Президенти Ҷумҳурии Тоҷикистон муҳтарама Раҳмон Озода Эмомалӣ бо мақсади таблиғу ташвиқи ҳадафҳои Паёми Президенти Ҷумҳурии Тоҷикистон, Асосгузори сулҳу ваҳдати миллӣ, Пешвои миллат, Ҷаноби Олӣ, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ва тавзеҳи лоиҳаи тағйиру иловаҳо ба Конститутсияи  Ҷумҳурии Тоҷикистон дар толори калони корхонаи ҶМ ТК ММ «Апрелевка» мулоқот бо иштироки Нурулло Оқилзода, вакили Маҷлиси намояндагони Маҷлиси Олии Ҷумҳурии Тоҷикистон, Бӯриев Шуҳрат Насруллоевич, мушовири бахш оид ба масъалаҳои рушди иҷтимоӣ ва робита бо ҷомеаи Президенти  Ҷумҳурии Тоҷикистон, Баротов Тоҳир Ҷӯраевич, сардори Раёсати Маркази тадқиқоти стратегии назди Президенти  Ҷумҳурии Тоҷикистон, Озифхон Шарифзода, мудири шуъбаи саноат ва энергетикаи  мақомоти иҷроияи ҳокимияти давлатии вилояти Суғд ва намояндагони ниҳоди қудратии шаҳр баргузор гардид.