ВАЗИФАИ ҲАР ЯК ШАҲРВАНД

«Терроризм ватан, забон, нажод ва дин надорад. Ин бадбахтии оламшумуле гардидааст, ки ба муқобили он якљоя мубориза бурда, ба ҳамдигар кумак расонида, тадбирҳои худро мувофиқ сохтан зарур аст.»

Эмомалӣ Раҳмон

Зери истилоҳи тарроризм содир намудани таркиш, сўхтор, тирпарронӣ аз силоҳи оташфишон ё дигар кирдоре, ки боиси хавфи марги одамон, расонидани зарари ҷиддӣ ба молу мулк ё ба миён омадани оқибатҳои дигари барои ҷамъият хавфнок мегардад, агар ин кирдор бо мақсади халалдор сохтани амнияти ҷамъиятӣ, фаъолияти мақомоти ҳокимияти давлатӣ ва сохторҳои низомӣ, тарсонидани аҳолӣ ё расонидани таъсир ҷиҳати аз ҷониби мақомоти ҳокимият қабул намудани қарор, инчунин таҳдиди анҷом додани кирдорҳои зикршуда бо ҳамин мақсадҳо фаҳмида мешавад, ки дар қисми 1-уми моддаи 179 Кодекси Ҷиноятии Ҷумҳурии Тоҷикистон бевосита қайд шудааст. Кодекси ҷиноятӣ вобаста ба вазнинии кирдорҳои хусусияти террористӣ дошта љазоҳои гуногун дар шакли маҳрум сохтан аз озодӣ муайян намудааст.

Террорист шахсест, ки дар анљом додани фаъолияти террористӣ дар ҳамагуна шакл иштирок менамояд. Имрўзҳо барои ноил шудан ба мақсадҳои нопоки худ террористон ҳама гуна роҳу воситаҳоро истифода бурда истодаанд. Боиси нигарони аст, ки шахсоне ба ин роҳ гирифтор мешаванд ватану модарро фаромўш мекунанду номи халқу миллати хешро дар арсаи байналмилалӣ доғдор кардан мехоҳанд. Имрўз чун технология ба сатҳи баланди инкишофи худ расидааст, бе якљоягӣ ва дастаљамъона амал кардан пеши роҳи терроризму террористҳоро гирифтан мушкил гардидааст.

ОМОРИ ДУРНАМОИ ФАРДО

Дар толори бахши ҳифзи муҳити зисти шаҳри Гулистон семинари омӯзишӣ барои мудирон ва ёрдамчиён, дастурдиҳанда-назоратчиён ва ҳисобчиёни маҳаллӣ баргузор гардид.

Дар семинар сардори Барӯйхатгирии аҳолӣ ва фонди манзили Ҷумҳурии Тоҷикистон дар вилояти Суғд Инобат Турсунбоева, сармутахассиси шуъбаи кишоварзии Сарраёсати Агентиии омори назди Президенти Ҷумҳурии Тоҷикистон дар вилояти Суғд Нарзулло Абдуллоев, мудири бахши омори шаҳри Гулистон Матлуба Зайниддинӣ, сармутахассиси Барӯйхатгирии аҳолӣ ва фонди манзил дар шаҳри Гулистон Умед Иброгимов доир ба мақсад ва принсипҳои асосии барӯйхатгирии аҳолӣ, тартиб ва низоми пур кардани ҳуҷҷатҳои барӯйхатгирии истиқоматкунандагони бино ва шароити манзили аҳолӣ, мураттабсозии дафтарчаҳои қайди мудири шуъбаи барӯйхатгирӣ, қайди ҳисобчӣ, қайди дастурдиҳанда-назоратчӣ ва амсоли ин суханронӣ намуданд.

СЕМИНАРИ ОМӮЗИШӢ

Дар шаҳри Гулистон тибқи нақшаи чорабиниҳои Комиссияи марказии интихобот ва раъйпурсии Ҷумҳурии Тоҷикистон семинари омӯзишӣ дар мавзӯъҳои «Ҳуқуқи интихоботии худро дон, «Ҳуқуқи баробари интихоботӣ асоси сиёсати гендерӣ» бо иштироки раисон, муовинон, котибон ва аъзои комиссияҳои участкавӣ, ҳавзавӣ, шахсони масъул, фаъолзанон ва ҷавонон доир гардид.

Дар семинари омӯзишӣ академик Носирҷон Салимӣ, узви Комиссияи марказии интихобот ва раъйпурсии Ҷумҳурии Тоҷикистон, Бобоҷон Наимов, коршиноси Комиссияи марказии интихобот ва раъйпурсии Ҷумҳурии Тоҷикистон, Фурқат Шукурӣ, сардори шуъбаи таъминоти ҳуқуқӣ ва назорати Кумитаи рушди маҳали назди Президенти Ҷумҳурии Тоҷикистон, Маҳбуба Абдураҳимзода, сармутахассиси Раёсати кор бо занон ва оилаи Мақомоти иҷроияи ҳокимияти давлатии вилояти Суғд, Мамлакат Раҳматзода, сардори Раёсати адлияи вилоят, Абдуаҳад Ҳакимзода, сардори Раёсати ҳифзи муҳити зисти вилоят, Лутфулло Иззатов, сардори шуъбаи Раёсати Кумитаи давлатии амнияти миллии Ҷумҳурии Тоҷикистон дар шаҳри Гулистон, Уктам Ибодуллозода, муовини сардори шуъбаи Вазорати корҳои дохилӣ дар шаҳр дар мавзӯъҳои “Интихобот ҳамчун раванди сиёсӣ”, “Ҳуқуқи интихоботӣ: моҳият ва мазмун”, “Худогоҳии ҷавонон ва масъалаҳои таъмини амният”, “Нақши маърифати ҳуқуқии ҷавонон дар таъмини волоияти қонун”, “Таъмини тартиботи ҷамъиятӣ ва саҳми ҷавонон дар он” маърӯзаҳо намуданд.

Президенти мамлакат Эмомалӣ Раҳмон дар шаҳри Ҳисор Боғи фарҳангӣ-фароғатии зимистона ифтитоҳ карда, ба ятимони кулл туҳфаҳо тақдим намуданд

18 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари корӣ дар шаҳри Ҳисор Боғи фарҳангӣ-фароғатии зимистонаи “Шаршара”-ро мавриди баҳрабардорӣ қарор дода, дар ҳамин ҷо бо кӯдакони ятими кулл мулоқот намуданд.

Зимни боздид иттилоъ дода шуд, ки иншоот дорои 700 ҷойи нишаст буда, он барои баргузории тӯю маъракаҳо ва ҳамоишу чорабиниҳои гуногун пешибинӣ гардидааст. Ҳамчунин дар он ҷиҳати қабули сайёҳону истироҳати шаҳрвандон шароити мусоид фароҳам гардидааст. Иншоот дорои боғи муҳташами зимистона буда, дар дохили он гулу буттаҳои нодир ва дарахтони ҳамешасабз шинонида шудаанд.

Иттилоъ дода шуд, ки дохили боғи зимистона дорои беш аз 7000 дарахти нодир мебошад, ки асосан аз кишварҳои аврупоӣ ворид гардидааст. Ин дарахтон дар баробари зебу зинати хосса доштанашон, ҳамчунин ба саломатии фароғаткунандагон низ фоидаовар мебошад.