Муборакбодии Раиси шаҳри Гулистон Бахтиёр Саидаҳмадзода ба ифтихори Рӯзи ҷавонони Тоҷикистон

Ҷавонони гиромӣ!

Ба фарорасии Рӯзи ҷавонони Тоҷикистон, ки яке аз ҷашнҳои фараҳбахши Тоҷикистони соҳибистиқлол мебошад, ҳамаи Шумо ҷавонони саодатманди шаҳри Гулистонро табрику таҳният гуфта, бароятон бахту иқболи нек ва саодати рӯзгорро таманно менамоям.

Бояд зикр кард, ки дар партави сиёсати ҷавонпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешбурди сиёсати давлат дар соҳаи ҷавонон аз солҳои аввали соҳибистиқлолӣ яке аз самтҳои афзалиятноки фаъолияти Ҳукумати кишвар эълон гардидааст. Ҳанӯз соли 1992 бо дарназардошти аҳамият ва зарурати ташаккули сиёсати ҷавонон Қонуни Ҷумҳурии Тоҷикистон «Дар бораи сиёсати давлатии ҷавонон»-ро қабул намуд, ки иқдоми зикршуда нишонаи возеҳи таваҷҷуҳи хоссаи Пешвои муаззами миллат ва Ҳукумати кишвар ба табақаи фаъоли ҷомеа, яъне наврасону ҷавонон мебошад.

Пешвои миллат Эмомалӣ Раҳмон бо ҷавонони кишвар мулоқот намуданд

21 май дар Кохи Борбад Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чун анъанаи наку дар Рӯзи ҷавонон бо намояндагони ҷавонони мамлакат мулоқоти самимию созанда анҷом доданд.

Нахуст Сарвари давлат ҳамаи ҷавонони саодатманди кишварро ба ифтихори Рӯзи ҷавонон, ки ҳамасола 23 май дар саросари мамлакат ба таври шоиста ҷашн гирифта мешавад, табрику таҳният гуфтанд.

Пешвои миллат муҳтарам Эмомалӣ Раҳмон оид ба таърихи таъсиси ҷашни рӯзи ҷавонон, сиёсати давлатии ҷавонон ва дастгирии рӯзафзуни онҳо чун такягоҳи боэътимоди давлат, андешаронӣ карда, ҳадафи мулоқотро таҳлили вазъи соҳа, ҳидояти насли оянда дар роҳи созандагию ободонӣ ва илму касбомӯзӣ маънидод намуданд.

Таъкид гардид, ки ҳанӯз аз рӯзҳои аввали соҳибистиқлолӣ ва ба фаъолият оғоз намудани ҳукумати қонунӣ кор бо ҷавонон аз ҷумлаи самтҳои афзалиятнок ва муҳимтарини сиёсати давлат эълон шуд.Зеро таваҷҷуҳ ба ҷавонон ғамхорӣ барои ояндаи миллати тоҷик ва таҳкими неруи давлати Тоҷикистон мебошад.

ПИРӮЗИИ “ГУЛИСТОН”

Дар доираи бозиҳои чемпионати Ҷумҳурии Тоҷикистон оид ба футбол дар байни дастаҳои лигаи дуюм дар варзишгоҳи марказии шаҳри Гулистон дастаи “Гулистон”-и шаҳр ва дастаи “Саразм”-и шаҳри Панҷакент вохӯрд. Бозӣ хеле пуршиддат ва шавқангез ҷараён гирифта, бо ҳисоби 2:0 ба фоидаи гулистониён анҷом пазируфт. Голҳоро дар қисми якуми бозӣ Ҷӯрабой Исоев ва дар қисми дуюм Анвархони Темурхон заданд. Аз оғози чемпионат то ба имрӯз дастаи “Гулистон” се бозии расмӣ гузаронидааст, ки онҳо бо чунин натиҷаҳо ба анҷом расидаанд:

“Парвоз” (ноҳияи Б. Ғафуров) - Гулистон (шаҳри Гулистон) 1:4.

“Спитамен”(ноҳияи Спитамен) - “Гулистон” (шаҳри Гулистон) 1:2.

“Гулистон” (шаҳриГулистон) – “Саразм” (шаҳри Панҷакент) 2:0.

Президенти Ҷумҳурии Тоҷикистон Эмомалӣ Раҳмон Президенти Ҷумҳурии Қазоқистон Қосим-Жомарт Токаевро дар Фурудгоҳи байналмилалии Душанбе гусел намуданд

Рӯзҳои 19-20 май Президенти Ҷумҳурии Қазоқистон муҳтарам Қосим-Жомарт Токаев бо сафари расмӣ дар Ҷумҳурии Тоҷикистон қарор доштанд.

Дар доираи сафар меҳмони олиқадр бо Президенти Ҷумҳурии Тоҷикистон муҳтарам Эмомалӣ Раҳмон ва дигар шахсони воломақоми Тоҷикистон мулоқоту вохӯриҳои судманд анҷом доданд.

Аз руи натиҷаи сафари бобарор 7 санади нави ҳамкорӣ ба имзо расид, ки омили муҳиму таконбахши таҳкиму тавсеаи муносибатҳои дӯстӣ ва шарикии стратегии ду кишвар гардид.

20 май сафари расмии Президенти Ҷумҳурии Қазоқистон дар Тоҷикистон ба анҷом расид.