БА ТАВАҶҶУҲИ СОКИНОНИ ШАҲРИ ГУЛИСТОН!

Минбаъд сокинон имкон доранд, ки суолу пурсиш ва таклифу пешниҳодоти мушаххаси худро барои пешрафти шаҳр ва ҳамчунин доир ба сохтани иншооти ғайриқонунӣ, ҳодисаҳои вайрон намудани тартиботи ҷамъиятӣ, расонидани зарари молиявӣ ба ашёи ҷамъиятиву давлатӣ, шикастани гулу дарахтон, ки дар ҳудуди шаҳр аз ҷониби ашхоси бемаданият рух медиҳанд ба василаи сурат, паёмак ва наворҳои видеоӣ тариқи шабакаи Viber, WhatsApp ва Telegram бо рақами +992300000018 ба роҳбарияти шаҳр ирсол намоянд.

Муроҷиатҳои шаҳрвандон саривақт баррасӣ гардида, муроҷиатҳо ва маълумотҳои шаҳрвандоне, ки барои пешгирии ҷиноятҳо ва вайронкориҳо мусоидат менамоянд  бо мукофотпулӣ қадрдонӣ карда мешаванд.

Шахсияти шахсони муроҷиаткунанда маҳфуз нигоҳ дошта мешавад.

Мубодилаи барқияҳои табрикӣ миёни Президенти Ҷумҳурии Тоҷикистон Эмомалӣ Раҳмон ва Раиси Ҷумҳурии Мардумии Чин Си Ҷинпин

Дирӯз миёни Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Ҷумҳурии Мардумии Чин муҳтарам Си Ҷинпин ба муносибати 30-юмин солгарди барпо намудани робитаҳои дипломатии ду кишвар мубодилаи барқияҳои табрикӣ сурат гирифт.

Дар барқияи табрикии Президенти Ҷумҳурии Тоҷикистон муҳтарам Эмомалӣ Раҳмон ба унвони Раиси Ҷумҳурии Мардумии Чин муҳтарам Си Ҷинпин омадааст:

«Муҳтарам ҷаноби Раис,

Имрӯзҳо мо сиюмин солгарди барқарории робитаҳои дипломатӣ миёни Ҷумҳурии Тоҷикистон ва Ҷумҳурии Мардумии Чинро ҷашн мегирем.

Дар иртибот ба ин санаи муҳим дар таърихи муосири муносибатҳои байни кишварҳоямон бо камоли хушнудӣ ба Шумо ва тамоми мардуми дӯсти Чин табрикот ва беҳтарин таманниёти ин ҷонибро ирсол медорам.

Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом доданд

3 январи соли 2022 Президенти Ҷумҳурии Тоҷикистон муҳтарам Эмомалӣ Раҳмон бо Президенти Федератсияи Русия муҳтарам Владимир Путин суҳбати телефонӣ анҷом доданд.

Сарони давлатҳо ҳамдигарро бо фарорасии Соли нави мелодӣ самимона табрик намуданд.

Зимни суҳбат баррасии баъзе масъалаҳои дар ҳошияи тавофуқоти 27 декабри соли 2021 дар шаҳри Санкт-Петербург дар сатҳи олӣ бадастомада идома ёфт.

Мусоҳибон азми худро ҷиҳати ғанӣ гардонидани муносибатҳои Тоҷикистон ва Русия бо мундариҷаи босифат ва иловагӣ тасдиқ намуданд.

Шиносоии Раиси вилоят бо корҳои барқарорсозии Боғи фарҳангию фароғатии "Темурмалик"

30 декабр Раиси вилояти Суғд Раҷаббой Аҳмадзода дар шаҳри Гулистон бо корҳои барқарорсозии Боғи фарҳангию фароғатии "Темурмалик" шинос гардид.

Корҳои барқарорсозии боғи мазкур дар доираи корҳои ободонию созандагӣ ба истиқболи 30-солагии Истиқлоли давлатии Ҷумҳурии Тоҷикистон оғоз ёфта буд ва айни замон дар арафаи анҷомёбӣ қарор дорад.

Сохтмончиён тибқи лоиҳа корҳоро иҷро намуда, кӯшиш доранд, ки дар муҳлати пешбинишуда боғро ба истифода диҳанд.

Раиси вилоят барои иҷрои босифати корҳо ба масъулин супоришҳо дода, сохтмончиён ва коргаронро бо Соли нав табрик намуд.