ҲАШАР ДАР БОҒИ ФАРҲАНГӢ-ФАРОҒАТИИ "ТЕМУРМАЛИК"

Санаҳои 24-25-уми июл дар Боғи фарҳангию-фароғатии Темурмалик ва дар бартарафсозиии заҳбури ташноби шаҳри Гулистон ҳашари умумишаҳрӣ бо ҷалби ташкилоту муассисаҳо ва аҳолии шаҳр гузаронида шуд. Дар раванди ҳашар Раиси шаҳри Гулистон Бахтиёр Саидаҳмадзода бевосита иштирок намуд.

Дар ҳашари умушаҳрӣ аз техникаҳои пуриқтидори боркашу борбардор истифода карда шуд, ки ҳамаи ин техникаҳо аз ҷониби ҶМ Апрелевка ва соҳибкорон сафарбар карда шуда буданд. Аз раванди ҳашар Раиси вилояти Суғд Раҷаббой Аҳмадзода низ боздид намуда, ба масъулон ҷиҳати вусъати корҳои ободонӣ дастуру супоришҳои мушаххас дод. Иқдоми мазкур баҳри сазовор истиқбол гирифтани ҷашни 30-солагии Истиқлолияти давлатии Ҷумҳурии Тоҷикистон равона карда шудааст.

Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом доданд

Дирӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом доданд.

Дар оғози суҳбат Президенти Федератсияи Русия дар иртибот ба даргузашти хоҳари Сарвари давлати мо изҳори тасаллии амиқ карданд.

Дар ҷараёни суҳбат ҷонибҳо оид ба маҷмӯи масъалаҳои мубрами муносибатҳои шарикии стратегии Тоҷикистон ва Русия мубодилаи афкор намуданд.

Таваҷҷуҳи хосса ба мувофиқа кардани ҷадвали мулоқот ва тамосҳои дар сатҳи олӣ пешбинишуда ҳам дар асоси дуҷониба ва ҳам дар сиғаи ҳамкориҳои бисёрҷониба зоҳир карда шуд.

Барқияҳои изҳори тасаллӣ аз сарони як қатор давлатҳо ба Президенти Ҷумҳурии Тоҷикистон Эмомалӣ Раҳмон

Дар робита ба даргузашти Қурбонбӣ Раҳмонова – хоҳари Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз сарони як қатор давлатҳо ва ҳукуматҳои хориҷӣ номаҳои изҳори тасаллӣ ворид гардиданд.

Президенти Ҷумҳурии Ӯзбекистон Шавкат Мирзиёев дар номаи таслияти худ гуфтааст:

«Муҳтарам Эмомалӣ Шарифович!

Бародари азиз!

Хабари ҳузнангези марги бармаҳали хоҳари маҳбуби Шумо Қурбонбӣ Раҳмонова моро сахт андӯҳгин намуд.

Дар ин рӯзҳои душвор ва ғамангез ба Шумо ва ҳамаи аъзои оилаатон эҳсоси ҳамдардии самимӣ ва тасаллияти амиқ изҳор менамоем.

Аз Аллоҳи бузург хоҳиш дорам, ки рӯҳи рафтагонро баракат диҳад ва инчунин ба Шумо ва наздиконатон тасаллӣ, ҳамраъйӣ ва сабр фиристад».

Пешвои миллат Эмомалӣ Раҳмон омодабошии ҷангии Қувваҳои Мусаллаҳ, мақомоти ҳифзи ҳуқуқ, ҳайати шахсии захираҳои сафарбариро санҷиданд ва дар гузашти низомии афсарону сарбозони Қувваҳои Мусаллаҳ иштирок намуданд

Соати чори субҳи имрӯз – 22-юми июли соли 2021 бо фармони Президенти Ҷумҳурии Тоҷикистон, Пешвои миллат, Сарфармондеҳи Олии Қувваҳои Мусаллаҳи Тоҷикистон, генерали артиш муҳтарам Эмомалӣ Раҳмон бо ҳадафи санҷидани омодабошии ҷангии ҷузъу томҳо бори аввал дар таърихи давлати соҳибистиқлоли Тоҷикистон 100 ҳазор нафар афсарону сарбозони Қувваҳои Мусаллаҳ, кормандони мақомоти ҳифзи ҳуқуқ ва 130 ҳазор нафар афсарону сарбозони ҳайати захираҳои сафарбарӣ дар тамоми қаламрави мамлакат бо бонги хатар ҷамъ оварда шуда, омодабошии ҷангии онҳо санҷида шуд.

Дар чорабинии зикршуда, ки таҳти унвони «Марз-2021» гузаронида шуд, 1023 техникаи зиреҳпӯши ҷангӣ, 3167 техникаи автомобилӣ ва махсус, 447 воситаи артиллерӣ ва миномёт, 234 воситаи мудофиаи зиддиҳавоӣ, 45 тайёраву чархболҳои ҷангиву нақлиётӣ дар самтҳои амалиётӣ ба минтақаҳои иҷрои вазифаи ҷангӣ бароварда шуданд.

Ин чорабинӣ дар тамоми қаламрави кишвар доир шуда, соати ҳафти субҳ бо натиҷаҳои сатҳи баланд ҷамъбаст гардид.