Оғози мумфаршкунии роҳҳои деҳаҳои Гулдара ва Гулшани Ҷамоати шаҳраки Адрасмони шаҳри Гулистон

30-юми сентябри соли равон Раиси шаҳри Гулистон Раъно Ҳошимзода  дар доираи корҳои ободониву созандагӣ бахшида ба 30-солагии иҷлосия XVI Шӯрои Олии Ҷумҳурии Тоҷикистон ва истиқболи 35 – солагии Истиқлоли давлатии Ҷумҳурии Тоҷикистон ба мумфаршкунии роҳҳои деҳаҳои Гулдара ва Гулшани Ҷамоати шаҳраки Адрасмон оғози расмӣ бахшид.

Зимни суҳбат бо сокинон ва иштирокдорони маросими оғози корҳои мумфаршкунӣ роҳбари шаҳр аз муҳайё гардидани шароити хуби кору зиндагӣ ба ҳар як сокини мамлакат ва беҳтар шудани вазъи некӯаҳволии халқ ёдовар шуда, бо ташаббус ва саҳми сокинони маҳаллӣ амалӣ гардидани чунин иқдоми ватандӯстонаро намунаи равшани садоқат ва муҳаббат ба сарзамини аҷдодӣ унвон дод.

Номаи табрикотии Раиси шаҳри Гулистон Раъно Ҳошимзода ба муносибати иди касбии Рӯзи омӯзгор

Омӯзгорони арҷманд!

Касби омӯзгорӣ, фаъолияти ҳамарӯзаи муаллими ҳақиқӣ ва заҳматҳои пайвастааш дар роҳи таълиму тарбияи насли наврас, тайёр кардани мутахассисон ва маърифатноксозии мардум сазовори иззату эҳтиром мебошад.

Омӯзгор машъали фурӯзон аст, ки тинати мардумро нур мебахшад. Нақши омӯзгор, махсусан дар даврони соҳибистиқлоли кишварамон ба маротиб афзуд.

Дар замони Истиқлолият дар соҳаи маориф ҷиҳати бунёди муассисаҳои нави таълимӣ ва таҷдиду барқароркунии муассисаҳои таълимӣ дигаргуниҳои зиёде ба амал омад.

Асосгузори сулҳу ваҳдати миллӣ-Пешвои миллат, Президенти мамлакат муҳтарам Эмомалӣ Раҳмон муаллимро «Ақл, шарафу виҷдони ҷомеа ва симои асосии он» номидаанд. Ҳукумати Тоҷикистон баҳри пешрафти кори муаллим ва беҳбудии рӯзгори ӯ пайваста ғамхориҳо мекунад.

МАВЛОНО - ТАРБИЯТГАРИ ИНСОНИ КОМИЛ!

Имрӯз, 30.09.2022 ба ифтихори 815-солагии Мавлоно Ҷалолиддини Балхӣ дар толори мактаби санъати маркази шаҳр маҳфили илмӣ адабӣ баргузор карда шуд. Дар даромадгоҳи мактаби санъат намоиши асарҳои ин мутафаккири барҷаста ба намоиш гузошта шуд.

Дар маҳфили илмӣ-адабӣ намояндагони мақомоти иҷроияи ҳокимияти давлатии шаҳр, кормандони бахши фарҳанги шаҳр, КИ ҲХДТ дар шаҳр ва хонандагону омӯзгорони муассисаҳои таълимии шаҳр иштирок намуданд.

Нахуст, директори китобхонаи системаи марказонидашудаи шаҳр Биомина Мирзоева ҳамагонро ба маҳфили илмӣ-адабӣ хушомадед гуфт.

Имрӯз маҷлиси Ҳукумати Ҷумҳурии Тоҷикистон баргузор гардид

29 сентябр таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор шуд.

Дар маҷлиси Ҳукумати мамлакат нахуст «Оид ба рафти иҷрои Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» ва Қонуни Ҷумҳурии Тоҷикистон «Дар бораи мақомоти худидоракунии шаҳрак ва деҳот» ҳисоботи раиси ноҳияи Шаҳритуси вилояти Хатлон Ғаффор Ҷабборӣ шунида шуд.

Таъкид гардид, ки ноҳияи Шаҳритус субвенсионӣ буда, ҳар сол зиёда аз 20 миллион сомонӣ маблағҳо аз ҳисоби буҷети ҷумҳуриявӣ ба буҷети маҳаллӣ ворид мегардад. Дар 6 моҳи аввали соли 2022 нақшаи буҷет бо дарназардошти андози иҷтимоӣ ва буҷети маҳаллӣ 28 миллиону 669 ҳазору 500 сомонӣ иҷро шуд, ки 103, 6 фоизи нақшаи андозро ташкил менамояд.