Матни равон

Дар рӯзи сеюми сафари корӣ дар ноҳияи Бобоҷон Ғафуров Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон гармхонаи замонавии “Бӯйи Баҳор”-ро ифтитоҳ намуда, дар намоиши гулҳои ороишии хризантема иштирок карданд.

Зимни боздид иттилоъ дода шуд, ки хоҷагии мазкур дар назди гармхона парвариши гулҳои ороишии навъи хризантемаро роҳандозӣ кардааст, ки айни замон нашъунамои хуб доранд. Дар маҷмӯъ майдони умумии парвариши гулҳо 15 садяк заминро ташкил дода, дар он нуҳ намуди хризантема нигоҳубин карда мешавад.

Ба Сарвари давлат муҳтарам Эмомалӣ Раҳмон иттилоъ доданд, ки шурӯъ аз 15 октябр ин навъи гул мешукуфад ва то анҷоми моҳи декабр зебову шукуфон боқӣ мемонад. Хризантема асосан барои зебу зиннат додани кӯчаву гулгашт ва майдонҳои фароғатӣ истифода гардида, аллакай барои дастрас намудани он аз саросари ҷумҳурӣ дархост фиристода шудааст.

Айни замон дар хоҷагии деҳқонӣ 5 ҳазор бех ин навъи гул парвариш меёбад ва хоҷагидорон ният доранд, ки майдони парвариши онро зиёд намоянд, зеро дар ҳоли авҷи корҳои сохтмонӣ ва бунёди гулгашту фароғатгоҳҳо дар Тоҷикистони соҳибистиқлол талабот ба чунин гулҳои ороишӣ сол то сол зиёд мегардад.

Хризантема гули мавсимӣ буда, дар ҳавои нисбатан салқин мешукуфад ва дар фасли тирамоҳу аввали зимистон кӯчаву гулгашт ва ҳавлию роҳравҳоро бо ҳусни нотакрораш зебу оро медиҳад. Ин навъи гул, ки ба иқлим ва боду ҳавои кишвар мутобиқ аст, аз Нидерландия ворид карда мешавад.

Дар ин баробар “Бӯйи Баҳор”  дар масоҳати 30 садяк замин парваришу нигоҳубини навъҳои гуногуни арчаи ороишӣ низ роҳандозӣ кардааст.  Айни замон 15 ҳазор бех сӯзанарча, кипарис ва мажавини дар хоҷагӣ парвариш ёфта, аллакай барои фурӯш омодаанд.  Имкон аст, ки дар як сол то 5 ҳазор бех навъҳои гуногуни арчаи ороишӣ ба талабгорон пешниҳод карда шавад.

Зимни боздид Президенти мамлакат ба тарзи нигоҳубини хризантема дар хоҷагӣ баҳои баланд дода, ба масъулин дастур доданд, ки майдони парвариши онро васеъ намоянд.

Сипас Сарвари давлат муҳтарам Эмомалӣ Раҳмон бо вазъи нашъунамои зироати кишоварзӣ дар гармхонаҳои “Бӯйи Баҳор” шинос шуда, дар самти густариши фаъолият ба хоҷагидорон дастуру маслиҳатҳои муфид доданд.

Иттилоъ дода шуд, ки хоҷагӣ дар масоҳати як гектар 8 гармхона бунёд намуда, ба парвариши бодиринг, помидор, қаламфури булғорӣ, қулфинай, сирпиёз ва дигар номгӯйи маҳсулоти кишоварзӣ  машғул мебошад.

Айни замон дар масоҳати 15 садяк замини гармхона парвариши помидор роҳандозӣ шуда, дар як сол аз ин ҷо то се ҳосил ҷамъоварӣ карда мешавад.

Ба иттилои масъулин, моҳи декабр ҷамъоварии маҳсулот аз гармхона оғоз меёбад, ки ин тадбир имкон медиҳад дар фасли зимистон низ аҳолӣ бо маҳсулоти хушсифати кишоварзӣ таъмин карда шавад.

Аз ин гармхона то 20 тонна помидори аълосифат ба даст оварда мешавад. Дар гармхона обёрӣ бо усули қатрагӣ роҳандозӣ шуда, масолеҳи сохтмонии истифодагардида барои муътадил нигоҳ доштани ҳарорати гармхона ва нашъунамои хуби маҳсулот мусоидат мекунад.

Дар ҳудуди хоҷагии мазкур ҳамчунин дар масоҳати 10 садяк замини дигар гармхона барои парвариши сирпиёз бунёд ёфтааст, ки аз ин замин то 1 тонна маҳсулот ба даст оварда мешавад. Талабот ба ин навъи маҳсулот ҳам дар бозорҳои дохилӣ ва ҳам дар дигар кишварҳо зиёд аст.

Ҳарорати дохили гармхона бо истифода аз системаи гармидиҳии махсус, ки дар ҳудуди хоҷагӣ бунёд ёфтааст, таъмин гардида, ҳамчунин дар парвариши зироат дигар меъёрҳои агротехникӣ бо маслиҳати олимони соҳа риоя мегардад.

Гармхонаи дигари “Бӯйи Баҳор” барои парваришу истеҳсоли қулфинай пешбинӣ гардидааст. Айни ҳол хоҷагидорон барои чиниши сеюми он омодагӣ мебинанд. Ҳар моҳ аз замини қулфинай аҳли заҳмат ҳосил ҷамъоварӣ менамоянд. Мавсими асосии ҳосилғундории  чинаки сеюми он моҳи декабр оғоз мешавад.

Ба Сарвари давлат иттилоъ доданд, ки аз ин гармхона солона то 1 тоннаву 100 килограмм қулфинайи хушсифат ба даст меоранд, ки ба бозорҳои вилояту ҷумҳурӣ ба фурӯш бароварда мешавад. Масоҳати умумии замини бо ин мақсад истифодашаванда 10 садякро ташкил дода, парвариши қулфинай ба хоҷагидорон даромади хуб меорад.

Имсол бори нахуст дар хоҷагӣ дар гармхонаи алоҳида парвариши гулҳои садбарг, ки барои омода кардани дастагул пешбинӣ гардидаанд, роҳандозӣ карда шуд. 15 садяк заминро аҳли хоҷагӣ барои нигоҳубини садбарге, ки аз Нидерландия ворид кардаанд, истифода бурда, дар он 10 ҳазор бех ниҳол шинонидаанд. Ба иттилои масъулин, аз ин ҳиссаи замин то 40 ҳазор донна садбарги гуногунранг ҷамъоварӣ менамоянд, ки дар аввали моҳи март аллакай самараи меҳнати онҳо ба бозор бароварда мешавад.

Ин иқдом имкон медиҳад, ки талаботи аҳолии мамлакат, бахусус дар арафаи иду чорабиниҳо бо гулҳои зебои ватанӣ қонеъ гардида, воридоти он то ҷое коҳиш дода шавад.

Хоҷагии “Бӯйи Баҳор” таҷрибаи хуби гулпарварӣ дошта, ҳамасола аз ин хоҷагӣ барои оро додани гулгашту хиёбонҳо аз саросарӣ ҷумҳурӣ гулҳои ороишӣ харидорӣ менамоянд. Ду гармхонаи хоҷагӣ дар ин самт фаъолият намуда, дар онҳо парвариши гулҳои тагес, питуня, салвия ва вербаня роҳандозӣ шудааст. Дар маҷмӯъ дар хоҷагӣ 20 навъи гули ороишии мавсимӣ парвариш карда мешавад, ки ҳар сол идораҳои ободониву сабзкории шаҳру ноҳияҳои мамлакат аз ин хоҷагӣ то 500 ҳазор бех гул харидорӣ менамоянд.

Зимни боздид иброз гардид, ки дар хоҷагӣ 15 нафар соҳиби ҷойи кори доимӣ ва то 10 нафар соҳиби кори муваққатӣ гардидаанд.

Дар доираи дастуру супоришҳои Сарвари давлат дар самти истифодаи самараноки замин аҳли заҳмат ҳамчунин барои қонеъ сохтани талаботи худ парвариши картошка, сабзӣ, пиёз, маккаи дон ва лӯбиёгӣ ба роҳ монда, аз ин ҳисоб тамоми кормандони хоҷагӣ бо маҳсулоти кишоварзӣ таъмин карда мешаванд.

Роҳбар давлат муҳтарам Эмомалӣ Раҳмон зимни боздид ба фаъолияти хоҷагӣ баҳои баланд дода, таъкид доштанд, ки дастгирии чунин хоҷагиҳо омили муҳими таъмини аҳолӣ бо маҳсулоти барвақтӣ ва муътадил нигоҳ доштани нарху навои маҳсулот дар бозорҳои мамлакат ба ҳисоб меравад.

Шарҳ додан


Защитный код
Нав кардан

Сомонаҳои расмӣ



Президенти Ҷумҳурии Тоҷикистон


МИҲД вилояти Суғд


АМИТ "Ховар"

МУРОҶИАТ БА РАИС!

+992300000018

+992300000018

Эълонҳо

  • 1
  • 2
  • 3
  • 4
  • 5

Диққат! Озмун!

Диққат! Озмун!

Мақомоти иҷроияи ҳокимияти давлатии шаҳри Гулистон барои ишғоли мансабҳои холии маъмурии хизмати давлатӣ озмун эълон...

25 Апр 2022

Диққат! Озмун!

Диққат! Озмун!

Мақомоти иҷроияи ҳокимияти давлатии шаҳри Гулистон ба мансабҳои холии маъмурии хизмати давлатӣ озмун эълон менамояд ...

04 Ноя 2021

Боздошти гурӯҳи қочоқчиёни маводи мухаддир / Ахбори Точикистон

Боздошти гурӯҳи қочоқчиёни маводи мухаддир / Ахбори Точикистон   https://youtu.be/ZH0ryjEAOyE

28 Ноя 2019

ДИҚҚАТ, ОЗМУН!

МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ ГУЛИСТОН барои ишғоли мансабҳои холии маъмурии хизмати давлатӣ озмун эълон менамояд: Дастгоҳи...

30 Сен 2019

Муроҷиат намоед!

ТЕЛЕФОНИ БОВАРӢ ДАР МИҲД Ба маълумоти сокинони шаҳру шаҳракҳо расонида мешавад, дар мақомоти иҷроияи ҳокимияти давлатии...

29 Авг 2018

Мо дар Фейсбук

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:1166
mod_vvisit_counterРӯзи гузашта:4991
mod_vvisit_counterҲамин ҳафта:13579
mod_vvisit_counterҲафтаи гузашта:17685
mod_vvisit_counterҲамин моҳ:91966
mod_vvisit_counterМоҳи гузашта:90276
mod_vvisit_counterҲамагӣ:7631811

Райъпурсӣ

Сомона чи хел аст?