07 Октябр 2020
(Андеша пас аз тамошои филми мустанади «Хиёнат»)
«Касеро, ки ба иштибоҳ роҳ додаст бахшидан мумкин аст, аммо касе, ки хиёнат мекунад бахшида намешавад». Таҳти ин гуфтор пайваста кирдорҳои разилона ва хоинонаи ҷонибдорон ва роҳбарони хоини ҲНИ намоиш дода шуда истодааст, ки дарвоқеъ барои мардуми тоҷик саҳифаҳои норавшан ва пур аз хиёнату разолати ҷонибдорони ин ҳизби ба ном исломӣ маълум гардида истодааст.
Дар ҳакиқат, ин нукта ҷойи баҳс надорад, ки дар ҳамаи давру замон касони хиёнаткорро намебахшиданд ва бахшидан низ мумкин нест. Дар шароити имрӯза ҳамаи мардуми шарафманди Тоҷикистон бори дигар бовар карданд, ки Муҳиддин Кабирӣ ва ҳаммаслаконаш ягон ниятҳои пок надорад, балки мақсади асосии онҳо аз ҳамон ибтидо ба даст овардани курсии мансаб ва вазифа буда, барои татбиқи ин ғаразҳои нопоки хеш аз ягон амали бадтарин парҳез намекунанд.
Агар ба таърих таваҷҷуҳ кунем, онҳо солҳои 90-ум нахустин маротиба барои амалӣ намудани мақсадҳои ғаразноки хеш кӯшиш намуданд, аммо хушбахтона мардуми сарбаланди тоҷик, ҳарчанд дар ин сардаргумиҳо талафоти ҷонии зиёд доданд, дар охир чеҳраи палиди Кабирӣ ва ҳаммаслакони ӯро шинохтанд. Дар оғози даврони истиқлолият ҳарчанд давлату ҳукумат ба онон бовар карда мансабҳои баландро сазовор донист то ки барои пешрафти ватани азизамон саҳмгузоранд, аммо ин ноҷавонмардон ҳамин ки ба сари мансаб расиданд ба ҷои он ки ба халқу миллат ёрӣ расонанд онҳо танҳо мансабталошӣ ва боигариро фикр карданд. Имрӯз мардуми Тоҷикистон дарк мекунанд, ки Кабирӣ ва ҳаммаслаконаш ба кадом андоза бо роҳҳои паст манфурона чеҳраи хешро намоиш дода истодаанд. Мардуми тоҷик аз азал соҳиби хираду маърифат ҳастанд, дигар ба макру фиреби чунин гурӯҳҳои худхоҳу мансабталош намеафтанд. Имрӯз аз он ифтихор мекунем, ки тамоми мардуми кишвари аззиамон дар атрофи Пешвои муаззами миллат муттаҳид гардида барои шукуфоии мамлакат талош менамоянд. Ягонагию муттаҳидӣ асоси ҳамагуна пешравӣ мебошад. Агар мо дар иттифоқ ва ваҳдату ҳамдастӣ амал намоем, Ватани азизамон аз ин ҳамшукуфонтар мегардад. Мо ифтихор мекунем, ки таҳти парчами ягонагӣ ва муттаҳидӣ ва таҳти роҳбарии хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва сазовор пешвоз гирифтани 30-солагии Истиқлолияти давлатии Ҷумҳурии Тоҷикистон бо сари баланд ба пеш меравем. Нест бод, Кабирӣ ва ҳаммаслакони ӯ! Нест бод душманони миллат! Зинда бод, Тоҷикистони соҳибистиқлол!
Алиҷон Равшанов, шаҳри Гулистон