14 Январ 2020
Идомаи кори Конфренсияи XXIII Кумитаи иҷроияи Ҳизби халқии демократии Тоҷикистон дар шаҳри Гулистон дар толори Шабакаҳои барқи Суғд ба вуқӯъ пайваст. Дар кори Конфренсия намояндаи кумиҷроияи ҲХДТ дар вилояти Суғд Анвар Ҷалилов ва раиси комиссияи шаҳрии интихобот Лоҳур Назришозода ширкат варзиданд.
Муслимахон Ҷамолиён, раиси Кумитаи иҷроияи Ҳизби халқии демократии Тоҷикистон дар шаҳри Гулистон кори Конфренсияро оғоз бахшида иброз дошт, ки тибқи талаботи Қонуни конститутсионии Ҷумҳурии Тоҷикистон «Дар бораи интихоботи вакилон ба маҷлисҳои маҳаллии вакилони халқ» номзадҳои ҳизб ба вакилии Маҷлиси вакилони халқи вилояти Суғд ва шаҳри Гулистон пешбарӣ гардидаанд. Мутобиқи муқарарроти қонуни мазкур ҳизбҳои сиёсӣ 50 рӯз пеш аз интихобот метавонанд номзадҳои худро ба вакилии маҷлисҳои маҳаллӣ пешбарӣ намоянд. Мавсуф дар идомаи суханроинаш аз дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси муаззами ҳизб муҳтарам Эмомалӣ Раҳмон дар мавриди пешбарии вакилон аз ҳисоби занону ҷавонони фаъол тазаккур дода, зикр дошт, ки бо дарназардошти дониш, малака, маҳорати ташкилочигӣ ва мавқеъ доштан дар ҷомеа 2 нафар номзад ба вакилии Маҷлиси вакилони халқи вилояти Суғд ва 35 нафар номзад ба вакилии Маҷлиси вакилони халқи шаҳр пешниҳод карда мешаванд.
Аз ҷониби Каромат Қосимова ва Шаҳло Мирзоахмедова номзадҳо ба вакилии Маҷлиси вакилони халқи вилояти Суғд пешниҳод ва муаррифӣ гардиданд. Инчунин Муслимахон Ҷамолиён номзадҳоро ба вакили Маҷлиси вакилони халқи шаҳри Гулистон пешниҳод намуд.
Бо овоздиҳии кушод Фирдавс Шарифзода Раиси шаҳри Гулистон аз ҳавзаи интихоботии “Қайроққум” №15, Бахтиёр Маҷидов директори генералии КМ “Апрелевка”, аз ҳавзаи интихоботии “Адрасмон” №16 ба сифати номзадҳо вакилони Маҷлиси вакилони халқи вилояти Суғд пешбарӣ гардиданд. Ҳамзамон, 35 нафар номзад ба вакилии Маҷлиси вакилони халқи шаҳри Гулистон пешбарӣ гардиданд.
Номзадҳо ба вакилӣ Бибимавҷигул Собирова ва Баҳодур Сайдуллоӣ барои эътимод ва боварӣ ба ҳизби пешоҳанги ҷомеа изҳори минннатдорӣ намуда, зикр доштанд, ки баҳри дар амал татбиқ намудани ҳадафҳои олии ҳизб ҷидду ҷаҳд хоҳанд кард.
Номзадҳои пешниҳодгардида аз тарафи вакилони конфренсия якдилона пазируфта шудаанд ва доир ба масъалаҳои баррасишуда қарорҳои дахлдор қабул гардид.
Бо садо додани Суруди миллии Ҷумҳурии Тоҷикистон Конфренсияи XXIII ҲХДТ дар шаҳри Гулистон ба кори худ анҷом бахшид.
Дафтари матбуоти
Раиси шаҳри Гулистон
