19 Декабр 2018
Тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон мухтарам Эмомалӣ Раҳмон дар боби ободу зебо гардонидани маҳалли зист, хиёбонҳо, гулгашту майдонҳо и.в. Раиси шаҳр Фирдавс Шарифзода бо ширкат дар шинонидани ниҳолҳои дарахтони сояафкану ороишӣ ба таври расмӣ ба маъракаи ниҳолшинонӣ ва вусъати корҳои ободонию кабудизоркунӣ ва сабзу хуррам гардонидани муҳити атроф дар ҳудуди шаҳр ҳусни оғоз бахшид.
Сокинони маркази шаҳр, намояндагони корхонаву муассисаҳо ва ташкилоту идораҳо муташаккилона ба ҳашари ниҳолшинонӣ баромада, дар минтақаи истироҳатӣ, дар шафати кӯчаҳои асосӣ, аз ҷумла кӯчаҳои Исмоили Сомонӣ, Суғдиён, дар шафати роҳи Гулистон –Хуҷанд –мавзеи ҶДММ «Ҷило», дар атрофи НБО «Дӯстии халқҳо», дар назди муассисаҳои таълимӣ дарахтону гулҳои нодиру хушнамо шинонда шуд.
Дар ҳашари ниҳолшинонӣ дар маҷмӯъ ба миқдори 3200 бех сафедор, 570 бех дарахти сӯзанбарг, 620 бех дарахти ардач, 5 ҳазор дона садбарг, 10 ҳазор дона гули лола, 2 ҳазор дона карамгул шинонда шуд.
