Идомаи ободкориҳо

Дар рўзҳои таҷлили ҷашни фархундаи Истиқлолияти давлатӣ корҳои ободкориву созандагӣ дар шаҳри Гулистон боз ҳам вусъати тоза гирифт.

Ба масофаи 1 километру 300 метр роҳи мошингарди кўчаҳои ба номи Мирзо Турсунзода, Абдураҳмони Ҷомӣ ва Дўстии халқҳо мумфарш карда шуд. Корҳои мумфаршкуниро ҶДММ “Манзил-2014” амалӣ менамояд.

Тантана дар шаҳракҳо

Зарнисор. 8 сентябр дар шаҳраки Зарнисор бахшида ба 25-умин солгарди Истиқлолияти давлатии Ҷумҳурии Тоҷикистон дар боғи фарҳангу фароғатии “Истиқлол” чорабинии идона доир гардид.

Дар он кулли бошандагони шаҳрак иштирок намуданд. Дар оғоз сардори шуъбаи Агентии меҳнат ва шуғли аҳолӣ Ғолибҷон Юлдошев муборакбодии Раиси шаҳри Гулистон Матлубахон Амонзодаро ба самъи ҳозирин расонид. Таъкид гардид, ки Истиқлолият неъмати бебаҳо буда, тавассути он миллати тоҷик дар арсаи байналмилалӣ муаррифӣ шуд. Ҳамзамон, пас аз ба даст овардани Истиқлолияти давлатии Ҷумҳурии Тоҷикистон ба ҳайси узви комилҳуқуқи ҷомеаи ҷаҳонӣ эътироф гардид.

Муборакбодии Раиси шаҳри Гулистон Матлубахон Амонзода ба ифтихори Рўзи Иди Қурбон

Ба соҳибистиқлолии Тоҷикистон бисту панҷ сол пур шуд. Дар ин муддат давлати тоҷикон дар миёни кишварҳои дунё мавқеи худро пайдо кард ва ҳамчун узви комилҳуқуқи ҷомеаи ҷаҳонӣ эътироф гардид. Дар ҳаёти ҷомеаи мо дар даврони истиқлолият бисёр пешравию муваффақиятҳо ба даст омаданд. Ин пеш аз ҳама аз сиёсати дурандешона ва хирадмандонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дарак медиҳад.

Иди Қурбон аз ҷумлаи арзишҳои муқаддаси суннатии мардуми мусулмони мо буда, одамонро ба корҳои хайру саховат ва амалҳои нек ҳидоят менамояд ва дар қалби ҳар фарди мусулмон ниҳоли меҳру муҳаббатро нисбат ба ҳамдигар решадор месозад.

Ин амалҳои хайр, дар навбати худ ба пойдории сулҳу суботи кишвар, оромиву осоиши ҷомеа ва таҳкими ваҳдату ҳамдигарфаҳмии мардуми мо мусоидат менамояд. Зеро худи ин иди саид бар пояи ормонҳои башардўстиву инсонпарварӣ ва шафқату бародарӣ зуҳур кардааст.

Ҷамъомади тантанавӣ

7-уми сентябр ҷамъомади тантанавӣ ба ифтихори таҷлили 25-солагии Истиқлолияти давлатии Ҷумҳурии Тоҷикистон бо садо додани Суруди миллӣ дар толори калони Мақомоти иҷроияи ҳокимияти давлатии шаҳр оғоз ёфт.

Зимни суханронии кўтоҳу пурмуҳтавои худ Матлубахон Амонзода Раиси шаҳр, истиқлоли давлатиро дастоварди беҳтарини миллати тоҷик дар таърихи муосири Тоҷикистон ва арзишмандтарини ҷашнҳои умумимиллии кишвар арзёбӣ намуд.