Матни равон

15 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пас аз ифтитоҳи бинои нави Муассисаи таҳсилоти миёнаи умумии рақами 36 дар деҳоти Понғоз ба маркази ноҳияи Ашт — шаҳраки Шайдон ташриф оварданд.

Шаҳраки Шайдони ноҳияи Ашт давоми 29 соли Истиқлоли давлатӣ дар доираи вусъати тадбирҳои ободонию созандагӣ бо пуштибонии ҳамаҷонибаи сокинонаш аз сиёсати бунёдкоронаи давлату Ҳукумати Ҷумҳурии Тоҷикистон хеле ободу зебо гардида, сатҳу сифати зиндагии мардум ба марҳилаи сифатан нав баромадааст.

Президенти Ҷумҳурии Тоҷикистон муҳтарам Эмомалӣ Раҳмон дар маркази ноҳияи Ашт — шаҳраки Шайдон майдони Парчами давлатиро ба истифода дода, дар он ин рамзи муаррифи давлату миллат дар арсаи байналмилалиро парафшон намуданд.

Майдони Парчами давлатии Тоҷикистон дар доираи омодагиҳо ба истиқболи ҷашни 30-солагии Истиқлоли давлатии Ҷумҳурии Тоҷикистон дар масоҳати 0,93 гектар замин сохта шуда, дар он барои истироҳату фароғати сокинону меҳмонон шароити хуб фароҳам гардидааст.

Корҳои сохтмониро дар ин иншоот Ҷамъияти дорои масъулияти “Ашти калон” ба анҷом расондааст.

Баландии пояи Парчами давлатии Тоҷикистон дар шаҳраки Шайдон дар маҷмӯъ бо таҳкурсиаш 52 метрро дар бар мегирад.

Матои Парчам 7 метр паҳноӣ ва 14 метр дарозӣ дорад.

Атрофи иншоот гулкорӣ ва сабзазор карда шуда, зиёда аз 20 ҳазор гулҳои рангоранги мавсимӣ, қариб 90 адад ниҳоли арча майдони Парчами давлатии Тоҷикистонро зиннат мебахшанд.

Роҳравҳои майдони Парчами давлатии Тоҷикистон дар масоҳати зиёда аз 62 метри мураббаъ сафолакпӯш карда шуда, ду фаввораи зебо барои истироҳату фароғати сокинону меҳмонон бунёд гардидааст.

Бо мақсади таъмини рӯшноӣ дар ҳудуди майдони Парчами давлатии Тоҷикистон зиёда аз 40 адад чароғак насб гардида, шабонгоҳ ба зебоии мавзеъ зиннат мебахшанд.

Давоми солҳои охир бо мақсади арҷгузорӣ ба муқаддасоти миллӣ ва баланд бардоштани эҳсоси худшиносию худогоҳии миллӣ дар замири сокинони мамлакат, махсусан ҷавонону наврасон дар марказ ва деҳоти як қатор шаҳру ноҳияҳои мамлакат Парчами давлатии Тоҷикистон парафшон карда шудааст.

Раванди созандагиҳо ҷиҳати истиқболи сазовор аз 30-солагии Истиқлоли давлатии Ҷумҳурии Тоҷикистон дар ноҳияи Ашт бомаром идома дорад ва ҷиҳати фароҳам овардани шароити арзандаи фаъолият барои сокинон тадбирҳои муҳим амалӣ карда мешаванд.

Дар ноҳияи Ашт барои дар сатҳи баланд таҷлил намудани ин ҷашни бузурги миллӣ бунёд, таъмир ва навсозии зиёда аз 300 иншоот дар соҳаҳои гуногун ба нақша гирифта шудааст, ки аллакай 237 адади он бо таъсиси ҷойҳои нави корӣ барои сокинон мавриди баҳрабардорӣ қарор гирифтаанд.

Сарвари давлат муҳтарам Эмомалӣ Раҳмон ифтитоҳи майдони Парчами давлатии Тоҷикистон дар маркази ноҳияи Ашт — шаҳраки Шайдонро барои сокинон, махсусан ҷавонону наврасони ноҳия туҳфаи арзишманди давлату Ҳукумати мамлакат маънидод намуданд.

Шарҳ додан


Защитный код
Нав кардан

Сомонаҳои расмӣ



Президенти Ҷумҳурии Тоҷикистон


МИҲД вилояти Суғд


АМИТ "Ховар"

МУРОҶИАТ БА РАИС!

+992300000018

+992300000018

Эълонҳо

  • 1
  • 2
  • 3
  • 4
  • 5

Диққат! Озмун!

Диққат! Озмун!

Мақомоти иҷроияи ҳокимияти давлатии шаҳри Гулистон барои ишғоли мансабҳои холии маъмурии хизмати давлатӣ озмун эълон...

25 Апр 2022

Диққат! Озмун!

Диққат! Озмун!

Мақомоти иҷроияи ҳокимияти давлатии шаҳри Гулистон ба мансабҳои холии маъмурии хизмати давлатӣ озмун эълон менамояд ...

04 Ноя 2021

Боздошти гурӯҳи қочоқчиёни маводи мухаддир / Ахбори Точикистон

Боздошти гурӯҳи қочоқчиёни маводи мухаддир / Ахбори Точикистон   https://youtu.be/ZH0ryjEAOyE

28 Ноя 2019

ДИҚҚАТ, ОЗМУН!

МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ ГУЛИСТОН барои ишғоли мансабҳои холии маъмурии хизмати давлатӣ озмун эълон менамояд: Дастгоҳи...

30 Сен 2019

Муроҷиат намоед!

ТЕЛЕФОНИ БОВАРӢ ДАР МИҲД Ба маълумоти сокинони шаҳру шаҳракҳо расонида мешавад, дар мақомоти иҷроияи ҳокимияти давлатии...

29 Авг 2018

Мо дар Фейсбук

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:788
mod_vvisit_counterРӯзи гузашта:4991
mod_vvisit_counterҲамин ҳафта:13201
mod_vvisit_counterҲафтаи гузашта:17685
mod_vvisit_counterҲамин моҳ:91588
mod_vvisit_counterМоҳи гузашта:90276
mod_vvisit_counterҲамагӣ:7631433

Райъпурсӣ

Сомона чи хел аст?