Посдорӣ ва қадршиносии чернобилчиён

Ҳар сол 26-уми апрел Рўзи ёдбуди бартарафкунандагони садамаи  Нерўгоҳи барқӣ атомии Чернобил гузаронида мешавад. Қарори Раиси шаҳр аз 12-уми апрели соли ҷорӣ, таҳти №99 бо мақсади қадршиносӣ аз ҷасорату мардонагии иштирокчиён ва посдории хотираи қурбониёни бартарафкунандагони садамаи Чернобил ба тасвиб расидааст.

Рушди иҷтимоии ҷавонон

Ҷиҳати баланд бардоштани самаранокии сиёсати давлатии ҷавонон, фаъолгардонии мақоми онҳо дар ҳаёти иҷтимоию иқтисодӣ қарори Раиси шаҳри Гулистон таҳти №97, аз 6-уми апрели соли 2016 “Дар бораи нақшаи чорабиниҳои рушди иҷтимоии ҷавонон дар шаҳри Гулистон барои солҳои 2016-2018” ба тасвиб расид. Мудирони шуъбаю бахш ва раисони Ҷамоати шаҳракҳо вазифадор гардидаанд, ки дар ҳамкорӣ бо бахши ҷавонон, варзиш ва сайёҳӣ барои татбиқи нақшаи чорабиниҳои қарор тадбирҳои зарурӣ андешанд.

Доиркунии мусобиқа ба ҷашни Истиқлол

Қарори дигари Раиси шаҳр таҳти №98, аз 11-уми апрели соли равон “Дар бораи гузаронидани мусобиқа бахшида ба 25-солагии Истиқлолияти давлатии Ҷумҳурии Тоҷикистон байни шаҳрак, деҳа, маҳалла, хона ва оилаи намунавӣ” ба тасвиб расид. Моҳияти асосии қарор ба фароҳам овардану тарғиб намудани корҳои ободкориву созандагӣ ва густариши дарки хештаншиносиву варзиш нигаронида шудааст, то ҷашни 25-солагии Истиқлолият бо армуғонҳои арзанда сазовор истиқбоол гирифта шавад.

Нозирони навраси ҳаракат

Бо ҳадафи баланд бардоштани маърифати қоидаҳои ҳаракати роҳ байни наврасон озмуни шаҳрии “Нозирони навраси ҳаракат” доир ва дастаи МТМУ-и №1 мақоми аввалро соҳибӣ кард. Ғолибон дар озмуни минтақавӣ, ки чанде пеш дар шаҳри Хуҷанд баргузор гардид иштирок намуда, аз рўи даҳ шарт соҳиби 76,5 хол ва сазовори ҷойи дуюм шуданд.