Азми шоистаи гулистониён

Дар толори калони мақомоти иҷроияи ҳокимияти давлатии шаҳр тибқи ҷадвали тасдиқгардидаи мақомоти иҷроияи ҳокимияти давлатии вилояти Суғд ҷаласаи васеи ситоди шаҳрӣ ҷиҳати омодагӣ ба 30-солагии Истиқлолияти давлатии Ҷумҳурии Тоҷикистон бо иштироки аъзои ситод, даъватшавандагон ва соҳибкорон таҳти раёсати Раиси шаҳри Гулистон Матлубахон Амонзода баргузор гардид.

Дар ҷаласа раванди иҷрои нақшаи чорабиниҳои шаҳрӣ ҷиҳати омодагӣ ба 30-солагии Истиқлолияти давлатии Ҷумҳурии Тоҷикистон мавриди баррасӣ қарор гирифт.

Мусобиқаи шавқовар

Ба ифтихори 27-умин солгарди Истиқлолияти давлатии Ҷумҳурии Тоҷикистон дар толори варзишии гӯштини тарзи румӣ-юнонии шаҳр мусобиқаи умумиҷумҳуриявии оид ба гӯштини румӣ-юнонӣ байни наврасони соли таваллудашон 2005 ва аз он боло ба хотираи собиқ раиси шаҳри Гулистон Муҳаммадҷон Файзуллоев бо иштироки 110 нафар варзишгари наврас аз шаҳрҳои Душанбе, Хуҷанд, Гулистон, Бӯстон ва ноҳияи Бобоҷон Ғафуров тайи ду рӯз ба вуқӯъ пайваст.

Варзишгарони наврас аз рӯи 12 вазн байни ҳам қувваозмоӣ намуданд. Дар охири мусобиқа ба ғолибон диплому туҳфаҳои сарпарасти чорабинӣ супорида шуданд. Варзишгарони гулистонӣ Муминҷон Отаҷонов, Ҳасан Ҳамроалиев,, Абдусамад Даминов, Ғайбулло Наботов, Кароматулло Алишерӣ дар вазнҳои худ чемпиони мусобиқа, Ҷонибек Раҳимҷонзод, Исфаҳон Хушдилов, Муҳаммад Гуруков сазовори ҷойи дуюм ва Муслим Наҷмиддинов,  Нурмуҳаммад Раҳматуллоев, Фирдавс Самирӣ, Давлатбек Соҳибхӯҷаев, Давлатбек Ҳоҷибоев, Амон Ёқубов соҳиби ҷойи сеюм гардиданд.

Тасдиқи рамзи ҷашни 27-солагии Истиқлолияти давлатии Ҷумҳурии Тоҷикистон аз ҷониби Пешвои миллат Эмомалӣ Раҳмон

Аз ҷониби Президенти Ҷумҳурии Тоҷикистон, Асосгузори сулҳу ваҳдати миллӣ — Пешвои миллат муҳтарам Эмомалӣ Раҳмон рамзи ҷашни 27 — солагии Истиқлолияти давлатии Ҷумҳурии Тоҷикистон, ки аз ҷониби Академияи мусаввирии Тоҷикистон пешниҳод гардидааст, тасдиқ карда шуд.

Ангораи мазкур ба таври васеъ метавонад ҳамчун рамзи 27 — солагии Истиқлолияти давлатӣ истифода гардад.

Барои корбарӣ ва мавриди истифода қарор додан ба вазорату кумитаҳо, идораҳо, ширкату иттиҳодияҳо, корхонаҳо, бонкҳои саҳомӣ, рӯзномаҳои расмӣ, ташкилоту муассисаҳо, ҷамъиятҳо, иттифоқҳо, мактабҳои олӣ, марказҳои татбиқи лоиҳаҳои инвеститсионӣ, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳои Суғду Хатлон, ноҳияҳои тобеи ҷумҳурӣ, шаҳри Душанбе пешниҳод мегардад.

Ифтитоҳи Муассисаи таҳсилоти миёнаи умумии №55 дар ноҳияи Шоҳмансури шаҳри Душанбе

Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе Рустами Эмомалӣ дар ноҳияи Шоҳмансури пойтахт Муассисаи таҳсилоти миёнаи умумии №55-ро мавриди баҳрабардорӣ қарор доданд.

Пешвои миллат бо имконият ва шароити муассисаи нави таълимӣ аз наздик шинос шуда, бо хонандагону омӯзгорон суҳбат намуданд.

Тавре иттилоъ дода шуд, корҳои сохтмонӣ дар ин иншоот моҳи майи соли 2017 оғоз ёфта, дар зарфи бештар аз 1 сол бо назардошти талаботи муосири меъморӣ ва сатҳу сифати баланд бунёд ёфта, синфхонаҳои таълимӣ бо техникаву таҷҳизоти муосири таълимӣ ва аёниятҳои фаннӣ таъмин гардидаанд.