Матни равон

Бахшида ба таҷлили ҷашни бузурги миллӣ 30-юмин солгарди истиқлолияти давлатии Ҷумҳурии Тоҷикистон бегоҳирӯзии 7-уми сентябр дар шаҳри Гулистон роҳпаймоии ҷомеаи меҳнатии шаҳр доир гардид. Роҳпаймоӣ дар кӯчаи марказӣ ба сӯйи майдони “Тоҷикистон ба пеш!” сурат гирифт. Дар роҳпаймоӣ намояндагони соҳаҳои хоҷагии халқи шаҳр, корхонаву ташкилот, муассисаҳо, Ҷамоати шаҳракҳо бо  намоиши дастовардҳои меҳнатӣ ва дар даст шиору овезаҳо ба ифтихори ҷашни 30-солагии Истиқлолияти давлатии кишвар роҳпаймоӣ намуданд.

Чорабиниҳои идона бахшида ба таҷлили 30-юмин солгарди Истиқлолияти давлатии Ҷумҳурии Тоҷикистон дар майдони “Тоҷикистон ба пеш!” идома ёфтанд.

Дар ибтидо намояндаи Ҳукумати Ҷумҳурии Тоҷикистон, роҳбари гурӯҳи корӣ оид ба таҳия ва амалӣ кардани нақшаи корҳои ободонию бунёдкорӣ ба муносибати 30-солагии Истиқлолияти давлатии Ҷумҳурии Тоҷикистон, директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода ҳозиринро аз номи Ҳукумати Ҷумҳурии Тоҷикистон, муборакбод намуд.

Сипас, Раиси шаҳри Гулистон Бахтиёр Саидаҳмадзода сокинони шаҳрро бо ҷашни фархундаи 30-юмин  солгарди Рӯзи Истиқлолияти давлатии Ҷумҳурии Тоҷикистон муборакбод намуд. Зикр карда шуд, ки Истиқлолияти давлатӣ рамзи озодию ягонагӣ, мустақилият ва ба даст гирифтани сарнавишти худ мебошад. Он барои мо бузургтарин неъмати давлатсозӣ, кору пайкорҳои созанда, азму талошҳои фидокоронаи расидан ба ваҳдату осоиштагӣ мебошад. Ин неъмати бебаҳо имкон фароҳам овард, ки кишвари моро дар арсаи ҷаҳонӣ эътироф кунанд ва бо мо дар соҳаҳои гуногун ҳамкорӣ намоянд. Тоҷикистон имрӯз ташаббускори ҳалли чанд проблемаи ҷаҳонӣ, аз ҷумла мубориза бо гардиши ғайриқонунии маводи мухаддир, экстремизму терроризм буда, инчунин барои дастрасии мардуми сайёра ба оби ошомиданӣ талош дорад. Ҳамаи ин дастовардҳоро бе заҳматҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тасаввур кардан ғайриимкон аст.

Ҳамчунин, қайд гардид, ки имрӯз мардуми шаҳри Гулистон хуб дарк мекунанд, ки истиқлолият ва озодӣ арзиши нахустин ва бисёр азизу муқаддас дар ҳаёти ҳар як шахси огоҳу бонангу номус ва шарти муҳимтарини зиндагии шоистаи ҳар як фарди Ватан мебошад. Аз ин рӯ, садоқатмандона дар ҳамаи соҳаҳои хоҷагии халқ фаъолияти пурсамар доранд. Чунонки борҳо аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид шуда аст, «Омодагӣ ба истиқболи ҳама гуна ҷашну маърака бояд ба ободиву пешравии шаҳру ноҳияҳо ва умуман кишвар мусоидат намояд. Зеро ҷашн дар навбати аввал таҳлили роҳи тайшуда ва баррасии   корҳои басомонрасида мебошад». Яъне чорабиниҳои ҷашнӣ имконият медиҳанд, ки гузаштаро ҷамъбаст намуда, барои рушду ободии оянда замина гузошта шавад.

Сипас, ду нафар фаъолон Каромат Маҳмудовна, раиси шӯрои собиқадорони шаҳр ва Ғуфрон Абдуллозода, муовини директори комплекси геологии Қайроққум бо медали хидмати шоиста ва Фатҳулло Абдуллозода, мудири бахши фарҳанги шаҳр бо Ифтихорномаи Ҳукумати Ҷумҳурии Тоҷикистон сарфароз карда шуданд.

Баъдан, санъаткорони бахши фарҳанги шаҳр, барномаи рангини фарҳангиро манзури ҳозирин намуданд.

 

 

Шарҳ додан


Защитный код
Нав кардан

Сомонаҳои расмӣ



Президенти Ҷумҳурии Тоҷикистон


МИҲД вилояти Суғд

Эълонҳо

  • 1
  • 2
  • 3
  • 4

Боздошти гурӯҳи қочоқчиёни маводи мухаддир / Ахбори Точикистон

Боздошти гурӯҳи қочоқчиёни маводи мухаддир / Ахбори Точикистон   https://youtu.be/ZH0ryjEAOyE

28 Ноя 2019

ДИҚҚАТ, ОЗМУН!

МАҚОМОТИ ИҶРОИЯИ ҲОКИМИЯТИ ДАВЛАТИИ ШАҲРИ ГУЛИСТОН барои ишғоли мансабҳои холии маъмурии хизмати давлатӣ озмун эълон менамояд: Дастгоҳи...

30 Сен 2019

Муроҷиат намоед!

ТЕЛЕФОНИ БОВАРӢ ДАР МИҲД Ба маълумоти сокинони шаҳру шаҳракҳо расонида мешавад, дар мақомоти иҷроияи ҳокимияти давлатии...

29 Авг 2018

БА ДИҚҚАТИ РОҲБАРОНИ КОРХОНАВУ МУАССИСА, ИДОРАВУ ТАШКИЛОТ, СОҲИБКОРОН ВА САХОВАТМАНДОН

Маблағҳои хайриявии худро барои дастгирии маъюбон, шахсони барҷомонда, ниёзмандон ва ободонии маҳал ба суратҳисоби зерин...

29 Авг 2018

Мо дар Фейсбук

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:446
mod_vvisit_counterРӯзи гузашта:2963
mod_vvisit_counterҲамин ҳафта:3409
mod_vvisit_counterҲафтаи гузашта:24383
mod_vvisit_counterҲамин моҳ:69513
mod_vvisit_counterМоҳи гузашта:94495
mod_vvisit_counterҲамагӣ:4378632

Райъпурсӣ

Сомона чи хел аст?