25 Июл 2021
Санаҳои 24-25-уми июл дар Боғи фарҳангию-фароғатии Темурмалик ва дар бартарафсозиии заҳбури ташноби шаҳри Гулистон ҳашари умумишаҳрӣ бо ҷалби ташкилоту муассисаҳо ва аҳолии шаҳр гузаронида шуд. Дар раванди ҳашар Раиси шаҳри Гулистон Бахтиёр Саидаҳмадзода бевосита иштирок намуд.
Дар ҳашари умушаҳрӣ аз техникаҳои пуриқтидори боркашу борбардор истифода карда шуд, ки ҳамаи ин техникаҳо аз ҷониби ҶМ Апрелевка ва соҳибкорон сафарбар карда шуда буданд. Аз раванди ҳашар Раиси вилояти Суғд Раҷаббой Аҳмадзода низ боздид намуда, ба масъулон ҷиҳати вусъати корҳои ободонӣ дастуру супоришҳои мушаххас дод. Иқдоми мазкур баҳри сазовор истиқбол гирифтани ҷашни 30-солагии Истиқлолияти давлатии Ҷумҳурии Тоҷикистон равона карда шудааст.
Рӯз то рӯз ба санаи таърихии таҷлили иди муқаддаси 30-солагии Истиқлолияти давлатӣ наздик шуда истодаем. Бинобар ин, дар шаҳри Гулистон ҳамарӯза бо иштироки кормандони соҳаҳои гуногуни хоҷагии халқи шаҳр ҳашарҳои умумишаҳрӣ баргузор гардида истодаанд ва ин раванд минбаъд низ идома меёбад.