Сатри равон
(0 овоз, миёна 0 аз 5)

Корхонаҳои саноатии шаҳри Гулистон дар давоми соли 2017 ба маблағи 3 миллиарду 526 миллиону 706,2 ҳазор сомонӣ маҳсулот истеҳсол намуданд, ки ин нисбати ҳамин давраи соли гузашта бо нархҳои муқоисавӣ 114,8 фоизро ташкил дода, ин нишондиҳанда ба маблағи 454,1 миллион сомонӣ зиёд мебошад. Аз ин 99,4%-и ҳаҷми маҳсулоти истеҳсолгардида ба корхонаҳои саноатӣ тааллуқ дошта, 0,6%-и он ба хизматрасонии пулакӣ ва ба бахши соҳибкорони шаҳр мансуб аст.

Дар давоми соли 2017 аз 26 корхонаи саноатии шаҳр 18-тои онҳо афзоиши ҳаҷми истеҳсоли маҳсулотро аз 100,3% то ба 1158,8% (11,6 маротиба зиёд) расонида, иҷрои онро барзиёд таъмин намуданд.

Соли 2017 ба иқтисодиёти шаҳр 605,4 миллион сомонӣ инвеститсияҳо ҷалб гардида, аз он 578,5 миллион сомониро инвеститсияҳои хориҷӣ (аз тарафи Ширкати кўҳӣ-саноатии Тоҷикистону Хитой барои зиёд намудани ҳаҷми истеҳсолот ва харидани таҷҳизоти иловагӣ ва аз тарафи ҶСК “Қолинҳои Қайроққум” барои рушди соҳаи қолинбофӣ) ва 26,8 миллион сомониро инвеститсияи дохилӣ (аз тарафи соҳибкорони маҳаллӣ) ташкил дод.

Корхонаҳои саноатии шаҳр бо 23 кишвари ҷаҳон алоқаи тиҷоратӣ ба роҳ монда, дар ин давра ҳаҷми маҳсулоти содиротӣ ба кишварҳои хориҷа ба маблағи 228 миллиону 186,70 ҳазор доллари ИМА, воридот бошад 85 миллиону 735,74 ҳазор доллари ИМА-ро ташкил дода, фарқияти содирот аз воридот дар ин давра 2,7 маротиба зиёд шудааст. Дар маҷмўъ гардиши савдои хориҷӣ 313 миллиону 922,44 ҳазор доллари ИМА-ро ташкил дод.

Дар корхонаҳои саноатӣ истеҳсоли барзиёди маҳсулоти саноатӣ аз рўи 93 намуди аслӣ ба роҳ монда шуд.  Вазни қиёсии корхонаҳои саноатии шаҳр дар ҳаҷми истеҳсоли маҳсулоти саноатии вилоят 35,7 фоизро ташкил дод.

Шарҳ додан


Защитный код
Нав кардан

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:361
mod_vvisit_counterРӯзи гузашта:1832
mod_vvisit_counterҲамин ҳафта:3921
mod_vvisit_counterҲафтаи гузашта:11596
mod_vvisit_counterҲамин моҳ:44244
mod_vvisit_counterМоҳи гузашта:64162
mod_vvisit_counterҲамагӣ:728105

Мо дар Фейсбук

Президенти кишвар