Иштироки Пешвои миллат Эмомалӣ Раҳмон дар интихоботи Президенти Ҷумҳурии Тоҷикистон

11 октябри соли 2020 Асосгузори сулҳу ваҳдати миллӣ — Пешвои миллат, Президенти амалкунандаи Ҷумҳурии Тоҷикистон, номзад ба мақоми Президенти Ҷумҳурии Тоҷикистон муҳтарам Эмомалӣ Раҳмон бо истифода аз ҳуқуқи шаҳрвандии худ дар маъракаи интихоботи Президенти Ҷумҳурии Тоҷикистон ширкат намуда, ба номзади дилхоҳи худ овоз доданд.

Президенти амалкунандаи Ҷумҳурии Тоҷикистон номзад ба мақоми Президенти Ҷумҳурии Тоҷикистон муҳтарам Эмомалӣ Раҳмон, барои иштирок дар ин маъракаи муҳими сиёсӣ ба участкаи интихоботии рақами 15 ҳавзаи интихоботии Исмоили Сомонӣ 2, ки дар маҳалли зисташон қарор дорад, ташриф оварданд.

Тавре аён гардид, мардум дар ин участкаи интихоботӣ низ чун ҳамаи участкаҳои дигар дар тамоми қаламрави кишвар хеле фаъоланд.

Ярмарка фурўши маҳсулоти ниёзи аввал

Барои таъмини намудани аҳолӣ бо маводи ниёзи мардум дар маркази шаҳр барои давраи тирамоҳу зимистони солҳои 2020-2021 ярмарка-фурўши маҳсулоти кишоварзӣ бо ибтикори Мақомоти иҷроияи ҳокимияти давлатии шаҳри Гулистон ташкил карда шуд.

Зимнан гуфт, ки дар ярмарка-фурўши маҳсулоти ниёзи мардум корхонаҳои шаҳр ҶДММ «Фаровон-1», «Мурғи аълосифат», “Моҳипарварии Гулистон”, хоҷагии асалпарварии ноҳияи Ашт, хоҷагии деҳқонии ноҳияи Ҷаббор Расулов фаъолона иштирок намуда, маҳсулоти худро аз қабили пиёз, сабзӣ, гўшти мурғ, тухм, моҳӣ, орд, мева, полезӣ ва сабзавоти гуногун ба сокинони шаҳр пешкаш намуданд.

НАМОИШИ ФИЛМИ «ХИЁНАТ»

Дар толорҳои муассисаи таҳсилоти миёнаи умумии №2 ва ҷамоати шаҳраки Консой филми ҳуҷҷатии «Хиёнат» бо иштироки фаъолон ва толибилмон намоиш дода шуд.

Зимнан гуфт, ки филми ҳуҷҷатии «Хиёнат» доир ба кирдорҳои хоинони миллат, аъзои ташкилоти террористию экстремистӣ мамнӯи Ҳизби наҳзати исломӣ, ки солҳои соҳибистиқлолӣ ба хотири дастрасӣ ба манфиатҳои шахсию гурӯҳӣ бо дастгирии хоҷагони хориҷии хеш, бар зидди давлату миллати тоҷик анҷом додаанд, қисса мекунад. Дидани манзараҳои ваҳшатангез, куштори чеҳраҳои сиёсӣ, фарҳангӣ ва илми тоҷик, намояндагони ташкилотҳои байналмилалӣ, гаравгонгирӣ, валангор намудани манзилҳои зисти сокинони минтақаҳои гуногуни ҷумҳурӣ, ки тайи солҳои 90-ум ва баъди он наҳзатиҳо анҷом додаанд, дар зеҳни ҳар як бинанда андешаи онро ки тоҷик ба ин хел ваҳшиёнат қодир нест ва инони ақли худро ба бегонагон дода бошад бедор мекунад.

САБАҚИ ТАЪРИХ

Бардошт аз тамошои филми мустанади “Хиёнат”

Гузашти вақту замон чун санги маҳак дӯстро аз душман, ходимро аз хоин, хешро аз бегона ва сараро аз сақат нишон дода, чеҳраи воқеии ашхосро бозтоб менамояд, ки дар натиҷа мақсаду мароми аксари инсонҳо барои ҳамагон бармало мегардад. Сипарӣ шудани замон чун оинаи тамомнамо зиндагиву аҳдофи одамҳоро дар хеш мунъакис намуда, барои мо шароит фароҳам мекунад то бо онҳо аз надик ошноӣ пайдо намоем ва дарк созем, ки кадоме дӯстонаву кадоме душманона роҳандозӣ гардидаанд.

Мутаассифона, фитрати инсон чунон сиришта шудааст, ки ба таври бояду шояд маърифат намудани он басе сангин буда, таҷрибаву маҳорат ва замони мадидро тақозо менамояд. Маҳз ин муҳол будани шинохти асолати инсон барои саривақт донистани мақсаду мароми ашхос мушкилӣ эҷод мекунад ва мо наметавонем дар вақти зарурӣ дӯстро аз душман фарқ намоем. Ҳадаф аз зикри ин нуктаҳо баён намудани андешаҳо дар ҳошияи қисмати ҷадиди филми мустанади «Хиёнат», ки ба рӯзгору зиндагии нангини як идда нохалафон ва аҳдофи муғризонаи эшон бахшиад шудааст, мебошад.