27 Ноябр 2025
Санаи 26.11.2025 дар толори хурди мақомоти иҷроияи ҳокимияти давлатии шаҳр дар ҳамкории Маркази касбомӯзӣ ва хизматрасонии шаҳри Хуҷанд ва мақомоти иҷроияи ҳокимияти давлатии шаҳр бо иштироки ҳунармандон ва сокинон вохӯрӣ баргузор карда шуд.
Дар вохӯрии мазкур намояндаи мақомоти иҷроияи ҳокимияти давлатии шаҳр Фаридуншоҳ Абдуллоев, ҳуқуқшиноси Маркази мазкур Тахмина Ваҳҳобова ва машваратчии марказ Дилнозаи Даврон иштирок ва суханронӣ намуданд.
Аз ҷониби масъулини Марказ барои шахсоне, ки мехоҳанд касб омӯзанд оид ба барномаҳои омӯзишӣ, аз ҷумла барқчӣ, кафшергарӣ, челонгар – сантехник, васлгари таҷҳизоти барқии офтобӣ, андовачӣ, компютер, ҳамчунин омӯзиши забонҳои англисӣ, русӣ ва кореягӣ ва дигар ихтисосҳои бозоргир маълумоти муфассал пешниҳод карда шуд.
Таъкид гардид, ки ҳамаи курсҳо ба таври ройгон доир мегарданд ва дар анҷоми он иштирокчиён соҳиби шаҳодатнома мегарданд. Ҳамчунин шароити қабули довталабон, давомнокии курсҳо ва имкониятҳои минбаъдаи шуғл баён карда шуд. Сокинон ба масъулон саволҳои худро пешниҳод намуда, ҷавобҳои мушаххас гирифтанд.
