24 Август 2023
Имрӯз, 23.08.2023 муовини Раиси шаҳр Ғайрат Оқилзода аз муассисаҳои соҳаи маориф, тандурустӣ ва фарҳанги ҷамоати шаҳракҳои Консой ва Чоруқдаррон ҷиҳати омодагӣ ба соли нави хониш ва омодагӣ ба давраи тирамоҳу зимистони солҳои 2023-2024 дидан намуд.
Нахуст аз муассисаи таҳсилоти миёнаи умумии №3-и шаҳраки Консой дидан карда шуд. Иттилоъ дода шуд, ки дар муассисаи таълимӣ таъмири синфхонаҳо ба анҷом расида, корҳои таъимрӣ дар толори варзишӣ ва маҷлисгоҳ идома дорад. Сару либоси хонандагони муассисаҳои таълимӣ 80 дарсад омода гардидааст. Дар муассиса барои зимистонгузаронӣ ангишт, ҳезум ва сӯзишвориро ба қадри зарурӣ захира карда шудааст.
Сипас, аз муассисаи таълимии томактабии №11, бемохона, маркази саломатӣ ва клуби фарҳангии шаҳрак дидан карда шуда, аз рафти омодагӣ зимистонгузаронӣ дидан карда шуд. Дар муассисаҳои мазкур барои зимистонгузаронӣ маводҳои зарурӣ захира карда шудааст.
Ҳамчунин, дар ин рӯз аз муассисаи таҳсилоти миёнаи умумии №2-и шаҳраки Чоруқдаррон дидан карда шуд. Иттилоъ дода шуд, ки ҳамаи синфхонаҳо аз таъмири ҷорӣ бароварда шуда, рангубори намои берунии бино идома дорад, ки дар рӯзҳои наздик ба охир расонида мешавад. тибқи шартнома аз тарафи ҶДММ “Маҳина” либосҳои мактабӣ барои хонандагон омода карда шуда, хонандагон бо либоси ягонаи мактабӣ таъмин гардида истодаанд. дар муассиса 50 тона ангиш ва 65 метри мукааб ҳезум барои зимистонгузаронӣ захира карда шудааст.
Сипас, аз муассисаи таълимии томактабии №5-и шаҳрак, беморхона, маркази саломатӣ ва клуби фарҳангӣ дидан карда шуд. муассисаҳои мазкур аз таъмир бароварда шуда, барои мавсисми тирамоҳу зимистони солҳои 2023-2024 ангишт ва ҳезум захира намудаанд.
Ба масъулини ҷамоати шаҳрак таъкид карда шуд, ки ҷиҳати омодагӣ ба соли нави хониш ва зимистонгузаронӣ тадбирҳои иловагӣ андешида, ҳамаҷиҳата омодагии комил бинанд.
