05 Март 2022
Имрӯз, 5 марти соли 2022 иҷрокунандаи вазифаи раиси шаҳри Гулистон Раъно Ҳошимзода ва муовини Раиси вилояти Суғд Зоҳидзода Даврони Абдуқодир бахшида ба Рӯзи Модар як қатор модарони собиқадори шаҳри Гулистонро қадршиносӣ намуданд.
Аз ҷумла собиқадорони меҳнат, ходимони намоёни давлатию ҷамъиятӣ Исоева Гавҳар Ҳакимовна – собиқадори соҳаи тандурустӣ, Пӯлотова Саодат Нарзуллоевна - собиқадори соҳаи саноат, Беляева Рима Георгиевна - собиқадори соҳаи фарҳанг, Тахтаева Дилбар Кулиевна, Раҳмонова Ӯктамой Чинозовна, Ҷӯраева Малика Ҷӯраевна - собиқадорони соҳаи хизмати давлатӣ ба аёдат фаро гирифта шуданд.
Аснои суҳбат, ки дар утоқи кории раиси шаҳри Гулистон ҷараён гирифт муовини Раиси вилояти Суғд Даврон Зоҳидзода аз раванди таваҷҷуҳи хосаи Ҳукумати Ҷумҳурии Тоҷикистон зери роҳбарии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси вилояти Суғд муҳтарам Раҷаббой Аҳмадзода ёдовар гардид.
Иҷрокунандаи вазифаи раиси шаҳри Гулистон Раъно Ҳошимзода аз саҳми шоистаи бонувони саодатманд дар раванди татбиқи сиёсати оқилонаи Ҳукумати Ҷумҳурии Тоҷикистон ва рушди босуботи кишвар ёдовар шуд.
Ба бонувон аз номи Ҳукумати Ҷумҳурии Тоҷикистон туҳфаҳои идонаи Ҳукумати Ҷумҳурии Тоҷикистон, мақомоти иҷроияи ҳокимияти давлатии вилояти Суғд ва шаҳри Гулистон тақдим карда шуд.
Модарон изҳори сипосмандии хешро ба Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси вилояти Суғд муҳтарам Раҷаббой Аҳмадзода баҳри таваҷҷуҳи пайваста изҳор намуданд.