10 Сентябр 2025
9-уми сентябри соли 2025 ба муносибати Рӯзи Истиқлоли давлатии Ҷумҳурии Тоҷикистон намояндаи Ҳукумати Ҷумҳурии Тоҷикистон, роҳбари гурӯҳи корӣ, директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода, Раиси шаҳри Гулистон Илҳом Пӯлотзода ва Қаҳҳоров Комрон сардори шуъбаи шаҳри Гулистони Раёсати КДАМ Ҷумҳурии Тоҷикистон дар вилояти Суғд бо мақсакди арҷгузорӣ ба корнамоиҳои фарзандони шуҷои Ватан Шерафган Тошев собиқ афсари сохтори КДАМ-ро ки зимни муноқишаҳои марзӣ маҷруҳ гардидааст ва оилаи Эркин Абдусатторовро, ки зимни муноқишаҳои марзӣ 16-уми сентябри соли 2022 ба ҳалокат расида буд аёдат намуданд.
Нахуст аз ҳолу аҳволи афсари сохтори КДАМ Шерафган Тошев дидан карда шуд.
Сипас хонаводаи марҳум Эркин Абдусатторов аёдат кардла шуд. Зимни суҳбат бо хонаводаи мавсуф зикр карда шуд, ки Ҳукумати кишвар корнамоиву фидокориҳои фарзандони асили худро ҳеҷ гоҳ фаромӯш намекунад. Ин аст, ки бо Фармони Президенти Ҷумҳурии Тоҷикистон Абдусатторов Эркин Турдибоевич пас аз маргаш бо ордени “Шараф” дараҷаи II аз 07.02.2023, таҳти №528 сафароз гардонида шуд.
Инчунин, Мақомоти иҷроияи ҳокимияти давлатии шаҳри Гулистон ҷиҳати арҷ гузоштан ба хизматҳои шоёни ин афсари шуҷои Ватан тадбирҳои муассисар андешида, бо пешниҳоди Комиссияи номгузорӣ ва қарори Маҷлиси вакилони халқи шаҳри Гулистон аз 10 марти соли 2023, №187 қисми кӯчаи Гулистон аз хонаи рақами 49 то то хонаи рақами №65-ро баҳри абадӣ гардонидани хотири неки фарзанди содиқи Ватан, афсари шуҷоъ Абдусатторов Эркин Турдибоевич номгузорӣ намудааст.
Мақомоти иҷроияи ҳокимияти давлатии шаҳр ҳамеша барои дастириву ғамхории 4 фарзанди Абдусатторов Эркин Турдибоевич таваҷҷуҳ зоҳир намуда, пайваста кумаку дастгирӣ менамояд.
Ба хонаводаи аёдатшудагон кумакҳои модиву молиявӣ ва туҳфаҳои хотиравӣ тақдим карда шуд.
