04 Май 2022
Раиси вилояти Суғд Раҷаббой Аҳмадзода дар шаҳри Гулистон собиқадорони меҳнат Антонина Коссе ва Рамзия Давлатбековаро аёдат кард.
Дар суҳбат бо собиқадорони меҳнат қайд карда шуд, ки мақомоти иҷроияи ҳокимияти давлатии вилояти Суғд баҳри баланд бардоштани сатҳу сифати зиндагии мардум, бахусус нафақагирон ва собиқадорони ҷангу меҳнат пайваста ғамхорӣ зоҳир менамояд. Зеро сиёсати иҷтимоии Ҳукумати Ҷумҳурии Тоҷикистон асосан ба самти ҳифзи ҳуқуқҳои иҷтимоӣ, иқтисодии табақаҳои калонсоли ҷомеа, собиқадорони ҷангу меҳнат равона гардидааст ва қабулу татбиқи қонуну қарор, амру супоришҳои Пешвои муаззами миллат муҳтарам Эмомалӣ Раҳмон оид ба беҳдошти сатҳи ҳифзи иҷтимоии насли калонсол, бахусус собиқадорони меҳнат исботи ин гуфтаҳост.
Аёдатшудагон миннатдории худро барои дастгириву ғамхориҳои пайваста ба Ҳукумати мамлакат баён доштанд.
Ба собиқадорони меҳнат аз номи роҳбари вилоят кӯмакҳои моддӣ расонида шуд.
Хадамоти матбуоти
Раиси вилояти Суғд
