Санаи 09.12.2021 таҳти Раёсати Раиси комиссияи ҳудудии мақомоти иҷроияи ҳокимияти давлатии шаҳри Гулистон оид ба ҳолатҳои фавқулодда- Раиси шаҳри Гулистон муҳтарам Бахтиёр Саидаҳмадзода ҷаласаи Комиссияи ҳудудии мақомоти иҷроияи ҳокимияти давлатии шаҳри Гулистон оид ба ҳолатҳои фавқулода баргузор гардид.

Дар рафти ҷаласа баромади Орифзода Ф.Н. оид ба ҳолати Иҷрои қарори Ҳукумати Ҷумҳурии Тоҷикистон аз 3 апрели соли 2021, №101 "Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2021-2022" ва баромади Амонов Ҳ.С. дар бораи фаъолияти Комиссияи ҳудудии мақомоти иҷроияи ҳокимияти давлатии шаҳри Гулистон оид ба ҳолатҳои фавқулода дар 11-моҳи соли 2021 шунида шуд.

Муайян карда шуд, ки баҳри иҷрои қарори Ҳукумати Ҷумҳурии Тоҷикистон №101 аз 3 апрели соли 2021 «Дар бори саривақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2021-2022», қарори Раиси вилояти Суѓд аз 26 апрели соли 2021, №184 ва қарори Раиси шаҳри Гулистон аз 30 апрели соли 2021, №114 ба тавиб расида, ҳайати ситоди шаҳрӣ, Раиси Ситод муовини якуми Раиси шаҳр ва 19 нафар аъзоёни Ситодро тасдиқ намудааст. Вобаста ба ин нақша чорабиниҳо оид ба сари вақт омода намудани соҳаҳои иқтисодиёт ва иҷтимоёти шаҳр барои фаъолияти мунтазам ва самарабахш дар давраи тирамоҳу зимистони солҳои 2021-2022 иборат аз 21 банд омода ва тасдиқ карда шудаст. Иҷрои бандҳои нақшаи мазкур мусбӣ арзёбӣ шуд.

Баҳри пешгирии ҳолатҳои фавқулода ва кам кардани хисорот ҳангоми ҳолатҳои фавқулодаи табиӣ Нақшаи таъмини иҷрои чораҳои таъхирнопазир ва пешгирикунандаи ҳолатҳои фавқулода дар мавсими боронгариҳо ва пешгирӣ намудан дар ҳолати рух додани селу обхезиҳо барои соли 2021 тартиб дода шуда, бо қарори Раиси шар №375 аз 27 ноябри соли 2020 тасдиқ карда шудаст. Дар асоси қарори мазкур аз тарафи мақомоти иҷроияи ҳокимияти давлатии шаҳри Гулистон дар якҷоягӣ бо бахши Раёсати Кумитаи ҳолатҳои фавқулода ва мудофиаи граждании вилояти Суғд дар шаҳри Гулистон баҳри пешгирии ҳолатҳои фавқулода корҳои зиёд ба анҷом расонида шудаст.

Фаъолияти Комиссияи ҳудудии мақомоти иҷроияи ҳокимияти давлатии шаҳри Гулистон оид ба ҳолатҳои фавқулода дар 11-моҳи соли 2021 низ хуб маънидод карда шуда, дар назди масъулон вазифаҳои мушаххас гузошта шуд.