Имрӯзҳо симои аслии Муҳиддин Кабирӣ маълум ва мардуми Тоҷикистон ӯро ҳамчун як фарди хоин, ватанфурӯш, беимон ва нокас мешиносанд. Муҳиддин Кабирӣ аз вақте ки аъзои Ҳизби назҳати ислом, айни замон ТЭТ ҲНИ шуданаш ба халқу ватани худ хиёнат карданро низ сар кард. Муҳиддин Кабирӣ муддати як чанд соласт, ки аз хориҷа истода бо фармони хоҷагони хориҷиаш обрӯю нуфузи Тоҷикистонро дар арсаи ҷаҳонӣ паст зада истодааст.
Алҳол терроризм ва экстремизм ҳамчун вабои аср ба амнияти ҷаҳон ва вайрон намудани мафкураи ҳар як сокини сайёра таҳдид карда истодааст. Дар ин раванд вақтҳои охир ТТЭ ҲНИ бо сарварии Муҳиддин Кабирӣ фаъолияти ташвиқотию оммавии худро дар хориҷа пурзӯр намудааст. Боиси таассуф аст, ки давлатҳои хориҷӣ мисли «кабутарони думбома» ба ҷаҳон эълон менамоянд, ки бар зидди терроризм муқовимат нишон медиҳанд, вале худашон террористонро, аз ҷумла кабириҳоро пуштибонӣ мекунанд.
Роҳбарияти ин ташкилоти террористӣ ва эктремистӣ Ҳизби назҳати ислом Муҳиддин Кабирӣ ва пайравони ӯ дини мубини исломро ба худ мисли ниқоб истифода бурда, ба иғвокориву дасисабозиҳои сиёсии гӯшношунид даст зада истодаанд. Амалу кирдорҳои онҳо ба дини мубини ислом ягон алоқамандие надорад. Қувваҳои манфиатҷӯй бо роҳбари душмани халқ Муҳиддин Кабирӣ бо супориши хоҷагони хориҷиаш дар давраи ҷанги таҳмилии шаҳрвандӣ ва нобасомониҳо шахсиятҳои бузурги сиёсӣ ва фарҳангии ҷумҳуриамонро ба коми аҷал кашидаанд. Баъдан аз пайи ҷудоиандозӣ ва паст задании шаъну шарафи миллати тоҷик шуданд. Хиёнаткори Ватан Муҳиддин Кабирӣ ба дуои бади модарон, фарзандони бепадармонда гирифтор мегардад. Аллакай, ҷавонони мо медонанд, ки Муҳиддин Кабирӣ кисту ҳаммаслакони ӯ кист. Рӯзе мерасад, ки Муҳиддин Кабирӣ ҷазои худро мегирад.
Мо мардуми сарбаланду заҳматкаши тоҷик сулҳу оромиро бар ивази ҷони ҳазорон нафар фарзандони фарзонаи миллат бо азобу шиканҷа ба даст овардаем. Аз ин рӯ, бахусус ҷавононе, ки дар ҳақиқат фарзандони ин миллати тавоно, шикастнопазир худро шуморанд, бояд андеша намоянд ва ҳушёрии сиёсиро аз даст надода, баҳри гулгулшукуфии диёри маҳбуб саъю талош намоянд,
Саидахон Аҳмадзода,
мудири бахши ҷавонон ва варзиши мақомоти иҷроияи
ҳокимияти давлатии шаҳри Гулистон