МУЛОҚОТИ СУДМАНД ҶИҲАТИ ПЕШГИРИИ ПАДИДАҲОИ НОМАТЛУБ

Имрӯз, 14.06.2022 дар толори мактаби санъати маркази шаҳр дар асоси амри Раиси вилояти Суғд муҳтарам Раҷаббой Аҳмадзода аз 10-уми майи соли 2022, таҳти №64 ва амри Раиси шаҳри Гулистон Дар бораи таъсис додани гурӯҳи корӣ  “Оид ба баргузории суҳбату мулоқотҳо ҷиҳати пешгирии ҷинояткорӣ, шомилшавӣ ба ҳизбу ҳаракатҳои экстремистӣ ва таълимоти ғайриқонунии динӣ, ҳолатҳои даст ба худкушӣ задани ҷавонону наврасон ва тақлид ба фарҳанги бегона дар маркази шаҳр ва ҷамоати шаҳракҳо” аз 24-уми майи соли 2022, №64 бо иштироки кормандони соҳаҳои маориф, тандурустӣ, фарҳанг ва дигар соҳаҳо вохӯрӣ баргузор карда шуд.

Дар вохӯрӣ Акрамзода Рашиди Рузи мудири шуъбаи рушди иҷтимоӣ ва робита бо ҷомеаи дастгоҳи Раиси шаҳр, Бахтовар Чумаев  мудири шуъбаи ташкилӣ ва кор бо кадрҳои роҳбари дастгоҳи Раиси шаҳр, Раҳматова Ойиниссо мудири бахши кор бо занон ва оилаи Мақомоти иҷроияи ҳокимияти давлатии шаҳр, Фаридуншоҳ Абдуллоев  сармутахассиси шуъбаи рушди иҷтимоӣ ва робита бо ҷомеаи дастгоҳи Раиси шаҳр ва Ҷабборӣ Гулрабо сармутахассиси шуъбаи маорифи шаҳр иштирок ва суханронӣ намуданд.

ТОҶИКИСТОН – КИШВАРИ ВАҲДАТОФАРУ ВАҲДАТСАРО

Имрӯз, 14.06.2022 дар асоси нақшаи тасдиқгардидаи Шӯрои вилоятии Ҳаракати ҷамъиятии ваҳдати миллӣ ва эҳёи Тоҷикистон  ва бо ташаббуси Мақомоти иҷроияи ҳокимияти давлатии шаҳри Гулистон ба муносибати 25-умин солгарди Рӯзи Ваҳдати миллӣ дар қисми ҳарбии 45025 – и Кумитаи ҳолатҳои фавқулодаи назди Ҳукумати Ҷумҳурии Тоҷикистон таҳти унвони “Тоҷикистон – кишвари ваҳдатофару ваҳдатсаро” бо иштироки ҳайати таблиғоти Шӯрои вилоятиву шаҳрии Ҳаракат бо сарбозон вохӯрӣ баргузор карда шуд.

Вохӯрӣ бо садо додани Суруди миллӣ  оғоз гардид. Дар вохӯрӣ Хайринисо Темирова намояндаи Шӯрои вилоятии Ҳаракати ҷамъиятии ваҳдати миллӣ ва эҳёи Тоҷикистон, Ойинисо Раҳматова мудири бахши кор бо занон ва оилаи Мақомоти иҷроияи ҳокимияти давлатии шаҳри Гулистон, Муслимахон Ҷамолиён раиси КИ ҲХДТ дар шаҳр иштирок ва суханронӣ намуданд.

Аёдати Қаҳрамони Меҳнати Сотсиалистӣ Муҳсин Раҳимов ба муносибати 85-солагӣ

Имрӯз, 14.06.2022 Раиси шаҳри Гулистон Раъно Ҳошимзода Қаҳрамони Меҳнати Сотсиалистӣ Раҳимов Муҳсин Султоновичро аёдат намуда, ба муносибати 85-солагии ҷашни мавлуд табрику таҳният гуфт. Зикр карда шуд, ки шоёни ифтихор аст, фаъолияти меҳнатии Раҳимов Муҳсин Султонович дар шаҳри Гулистони навбунёд соли 1957 оғоз ёфтааст. Муҳсин Султонович беш аз 40 сол фаъолияти меҳнатии худро дар комбинати қолинбофӣ пурсамар идома дода, шогирдони зиёдеро ба воя расонидааст. Давлату Ҳукумат меҳнати фидокоронаашро ба назар гирифта, он касро бо мукофоту ифтихорномаҳо, медали «Барои  шарафи меҳнатӣ» ва соли 1966 бо унвони олии Қаҳрамони Меҳнати Сотсиалистӣ шарафманд гардонид.

Раҳимов Муҳсин Султонович Фаъолияти ҷамъиятии бисёр пурмаҳсул дошта ба ҳайси депутати Шӯрои Олии ҶШС Тоҷикистон (даъвати 9) ва якчанд даъват вакили халқ дар маҷлиси вакилони шаҳри Гулистон, аъзои Шӯрои ҳамоҳангсозии байналмилали ташкилоти собиқадорони Иттиҳоди Давлатҳои Мустақил ва Ҷумҳурии Тоҷикистон интихоб гардида, дар ободонии шаҳру шаҳракҳои Гулистон ва беҳдошти рӯзгори мардуми он корҳои арзишмандро ба сомон расондааст.

Иҷлосияи даҳуми Маҷлиси вакилони халқи шаҳри Гулистон, даъвати шашум доир гардид

Иҷлосияи даҳуми Маҷлиси вакилони халқи шаҳри Гулистон, даъвати шашум доир гардидИмрӯз, 13 июни соли 2022 дар толори Мақомоти иҷроияи ҳокимияти давлатии шаҳри Гулистон Иҷлосияи даҳуми Маҷлиси вакилони халқи шаҳр, даъвати шашум доир гардид.

Кори Иҷлосия бо садо додани Суруди миллии Ҷумҳурии Тоҷикистон, интихоби ҳайати котибот ва тасдиқи рӯзнома оғоз гардид.

Дар кори иҷлосия вакилони Маҷлиси вакилони халқи шаҳр, роҳбари дастгоҳи раиси шаҳр, мудирони шуъбаю бахшҳо ва роҳбарони воҳидҳои сохтории мақомоти иҷроияи ҳокимияти давлатии шаҳр, роҳбарони мақомоти ҳифзи ҳуқуқ, роҳбарони ташкилотҳои шаҳрӣ, раисони ҷамоати шаҳракҳо иштирок намуданд.

Дар рӯзномаи иҷлосия ҳафт масъала мавриди баррасӣ қарор гирифт. Иҷлосия таҳти роҳбарии муовини раиси шаҳр Ғайрат Оқилзода ва Раиси шаҳр Раъно Ҳошимзода баргузор шуд.