Матни равон

Тибқи нақшаи чорабиниҳо оид ба риояи қоидаҳои оббозӣ ва андешидани чораҳои зарурӣ ба мавсими оббозӣ дар соли 2019, мутобиқ ба қарори Ҳукумати Ҷумҳурии Тоҷикистон аз 1-уми марти соли 2019,№103 «Дар бораи ташкили истироҳати тобистонаи кӯдакон ва наврасон дар соли 2019», ки аз тарафи Раиси шаҳри Гулистон тасдиқ гардидааст, доир ба корҳои фаҳмондадиҳӣ оид ба пешгирии ғарқшавии шаҳрвандон дар обанбори «Баҳри Тоҷик» ва обутобгоҳҳои ҳудуди шаҳр аз тарафи кормандони бахши Раёсати Кумитаи ҳолатҳои фавқулода ва мудофиаи граждании вилояти Суғд дар шаҳри Гулистон, шуъбаи маориф ва кормандони соҳаи тандурустӣ дар МҒД Колеҷи тиббии шаҳри Гулистон мулоқоти судманд баргузор гардид.

Сардори бахши Раёсати Кумитаи ҳолатҳои фавқулода ва мудофиаи граждании вилояти Суғд дар шаҳри Гулистон Ҳикматулло Амонов дар назди донишҷӯён ва омӯзгорон баромад намуда зикр намуд, ки бинобар сабаби гарм шудани ҳаво ва оғоз гардидани мавсими оббозӣ талаботи мардум ба обу оббозӣ рӯз то рӯз зиёд мегардад. Албатта, обутоби бадан ва оббозӣ барои саломатии инсон ва баланд гардидани фаъолияти рӯҳию ҷисмонии он фоидаовар мебошад, вале бояд фаромӯш накунем, ки об дар баробари фоиданок будан, боз сабабҳои фалокатовар низ дорад. Ҳодисаҳои солҳои охир нишон дод, ки ҳар сол дар мавсими оббозӣ аз сабаби риоя накардани қоидаҳои шиноварӣ ва оббозӣ даҳҳо нафар ҷони худро аз даст дода, пайвандону наздиконашонро дар ғаму андӯҳи якумра гузоштаанд.

24 май дар идомаи сафари корӣ дар ноҳияи Данғара Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо роҳбарону фаъолон ва сокинони вилояти Хатлон мулоқот карданд.

Президенти мамлакат муҳтарам Эмомалӣ Раҳмон масъалаҳои рушди иқтисодиву иҷтимоии шаҳру ноҳияҳои вилояти Хатлон, аз ҷумла вазъи соҳаи кишоварзиро ҳамаҷониба баррасӣ намуда, ба роҳбарону масъулон доир ба ҳалли мушкилоти мавҷуда ва бартараф кардани камбудиҳо вазифаҳои мушаххас доданд.

Зимни суханронӣ Сарвари давлат муҳтарам Эмомалӣ Раҳмон нахуст масъалаи татбиқи Барномаи рушди иқтисодӣ ва иҷтимоии вилояти Хатлон барои солҳои 2016-2020-ро натиҷагирӣ намуда, истифодаи захираву имкониятҳоро ҷиҳати таъмин намудани рушди соҳаҳои афзалиятнок, дастгирии соҳибкорӣ, ҷалби ҳарчи бештари сармояи дохиливу хориҷӣ, зиёд кардани коркарди маҳсулоти кишоварзӣ ва афзоиш додани ҳаҷми содироти он, таъсиси корхонаҳои истеҳсолӣ ва муҳайё кардани ҷойҳои нави кориро зарур шумурданд.

Дар Майдони Парчами давлатии Ҷумҳурии Тоҷикистони шаҳри Гулистон ба ифтихори Рӯзи ҷавонон тантанаҳои идона бо иштироки намояндагони корхонаву муассисаҳо, ташкилоту идораҳо, ҷамоати шаҳракҳо, сокинон ва меҳмонони зиёди маркази шаҳр баргузор гардид.

Раиси шаҳри Гулистон Фирдавс Шарифзода ҷавононро ба муносибати Рӯзи ҷавонон табрик карда, оид ба дастовардҳои ҷавонони гулистонӣ сухан ронд. Намояндаи мақомоти иҷроияи ҳокимияти давлатии вилояти Суғд, директори намояндагии Корхонаи воҳиди давлатии хоҷагии манзилӣ-коммуналӣ дар вилоят Фирдавс Бойматов табрикоти Раиси вилояти Суғд, муҳтарам Раҷаббой Аҳмадзодаро манзури гулистониён намуд. Зикр гардид, ки дар партави сиёсати ҷавонпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон пешбурди сиёсати давлат дар соҳаи ҷавонон аз солҳои аввали соҳибистиқлолӣ яке аз самтҳои афзалиятноки фаъолияти Ҳукумати кишвар эълон гардидааст. Беш аз 34 дарсади теъдоди сокинони шаҳри Гулистонро ҷавонон ташкил медиҳанд ва онҳо бо рӯҳбаландиву ғайрати тоза дар тамоми самтҳои хоҷагии халқи шаҳр софдилона фаъолият доранд. Ҳоло ҷавонони гулистонӣ дар донишгоҳҳои олии вилояти Суғд беш аз 500 нафар, дар муассисаҳои олии берун аз кишвар беш аз 50 нафар ва дар донишгоҳҳои олии пойтахти мамлакатамон зиёда аз 80 нафар аз рӯи  ихтисосҳои гуногун таҳсил доранд.

Ба муносибати таҷлили Рӯзи ҷавонон дар кӯчаи Истиқлоли маркази шаҳр аз майдони тозабунёди шуъбаи маориф роҳпаймоии ҷавонони гулистонӣ то Майдони Парчами давлатии Ҷумҳурии Тоҷикистон  таҳти унвони “Ҷавонон пайрави Пешвои миллат!” бо иштироки намояндагони ҷамоати шаҳракҳо, корхонаву ташкилот, осоишгоҳҳо, коллеҷи тиббӣ ва муассисаҳои таълимӣ ба вуқӯъ пайваст. Дар ибтидо беш аз 100 нафар варзишгарони гулистонӣ ҷоизадорони мусобиқаҳои вилоятӣ, ҷумҳурӣ ва байналхалқӣ, инчунин ғолибони мусобиқаҳо барои дарёфти Ҷоми Раиси шаҳр дар даст шиору парчамҳои идона бо нидои мутантани “Шараф ба Пешвои миллат!” қадамзанӣ намуданд. Сипас гирандагони Стипендияи Раиси шаҳр, иштирокчиёни фаъоли ҳафтаи худидоракунӣ, аъзои фаъоли ТҶҶ “Созандагони Ватан”, гирандагони Стипендияи кумиҷроияи шаҳрии ҲХДТ дар даст шиору овезаҳои “Ҷавонон неруи созандаи миллат!” “Шараф ба ҷавонони саодатманди даврони истиқлолият!” бо эҳсоси баланди худшиносиву садоқатмандӣ ба Ватану сулҳу суботи кишвар роҳпаймоӣ намуданд.

Баъд аз он намояндагони корхонаҳои саноатӣ – ҷавонони меҳнатқарини ҶСК “Қолинҳои Қайроққум”, ҶМТКММ “Апрелевка”, Шабакаҳои барқи Суғд, Неругоҳи барқи обии “Қайроққум” дар даст шиору парчамҳои идона қадамзанӣ намуданд.

23.05.2019

Ҷавонони ғаюру далери кишвар!
Фарзандони азиз!

Ҳамаи шуморо ба ифтихори Рӯзи ҷавонон самимона табрик гуфта, орзуманди саломативу сарбаландӣ, хушбахтиву иқболи нек ва амалӣ гардидани орзуҳоятон ҳастам.

Ҷавонони Тоҷикистони соҳибистиқлол нерӯи созандаи Ватани азизамон буда, нақши онҳо дар тараққиёти ҳамаи соҳаҳои ҳаёти давлат ва ҷомеа арзишманд ва назаррас мебошад.

Имрӯз онҳо дар корхонаҳои бузурги саноатӣ, соҳаи кишоварзӣ, илму маориф ва дигар бахшҳои иҷтимоии мамлакат содиқонаву софдилона заҳмат кашида, ба хотири ободии Ватан иншооти гуногуни истеҳсоливу хизматрасонӣ бунёд менамоянд ва дар сохтмони нерӯгоҳи барқи обии “Роғун” рисолати шаҳрвандӣ ва қарзи фарзандии худро бо эҳсоси баланди ватандӯстӣ иҷро карда истодаанд.

Ҷавонони бонангу номус ва далеру ғаюри мо ҳамчун сипари боътимоди давлатдории миллиамон дар ҳифзи марзу буми кишвар ва таъмин намудани суботу оромии ҷомеа қарзи ватандӯстонаи хешро адо менамоянд.

Сомонаҳои расмӣ



Президенти Ҷумҳурии Тоҷикистон


МИҲД вилояти Суғд

Эълонҳо

  • 1
  • 2

Муроҷиат намоед!

ТЕЛЕФОНИ БОВАРӢ ДАР МИҲД Ба маълумоти сокинони шаҳру шаҳракҳо расонида мешавад, дар мақомоти иҷроияи ҳокимияти давлатии...

29 Авг 2018

БА ДИҚҚАТИ РОҲБАРОНИ КОРХОНАВУ МУАССИСА, ИДОРАВУ ТАШКИЛОТ, СОҲИБКОРОН ВА САХОВАТМАНДОН

Маблағҳои хайриявии худро барои дастгирии маъюбон, шахсони барҷомонда, ниёзмандон ва ободонии маҳал ба суратҳисоби зерин...

29 Авг 2018

Мо дар Фейсбук

Ташрифкунандагон


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз:105
mod_vvisit_counterРӯзи гузашта:2454
mod_vvisit_counterҲамин ҳафта:7708
mod_vvisit_counterҲафтаи гузашта:19224
mod_vvisit_counterҲамин моҳ:47048
mod_vvisit_counterМоҳи гузашта:60761
mod_vvisit_counterҲамагӣ:1907610

Райъпурсӣ

Сомона чи хел аст?