Муқовимат ба экстремизм ва терроризм кори дастаҷамъист

Санаи 02.04.2024 тибқи нақшаи муштараки қисми ҳарбии 45025-и КҲФ ва МГ назди Ҳукумати Ҷумҳурии Тоҷикистон дар вилояти Суғд ва бахши кор бо ҷавонон ва варзиши шаҳри Гулистон дар қисми ҳарбии 45025 ҷиҳати иҷрои нақшаи чорабиниҳои Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025 бо иштироки сарбозон вохӯрӣ баргузор карда шуд.

Дар вохӯрии мазкур Аҳлиддин Абдураҳмонов мудири бахши кор бо ҷавонон ва варзиши шаҳри Гулистон, ёрдамчии калони прокурори ҳарбии гарнизони Суғд капитани адлия Асадуллозода А.А. ва подполковник Қурбонзода Хусрав командири қисми ҳарбии мазкур иштирок ва суханронӣ намуданд.

Зикр карда шуд, ки ҷиҳати пешгирии падидаҳои номатлуби экстремизм ва терроризм  Фармони Президенти Ҷумҳурии Тоҷикистон “Дар бораи Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025” аз 1 июни соли 2021, №187 ба тасвиб расида, дар ин замина қарори Раиси вилояти Суғд аз 17 октябри соли 2021, №485 ва қарори Раиси шаҳри Гулистон аз 18 ноябри соли 2021, №287 ба тасвиб расидааст.

Баргузории вохӯрӣ доир ба пешгирии хурофоту бегонапарастӣ ва падидаҳои номатлуб дар ҷомеа бо сокинони ҷамоати шаҳраки Зарнисор

Санаи 02.04.2024 дар дар толори МТМУ №6 ҷамоати шаҳраки Зарнисор бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар машварати корӣ санаи 11-уми марти соли ҷорӣ баён доштанд,  бо сокинони касбу кори гуногуни шаҳр мулоқот баргузор гардид.

Дар мулоқот муовини Раиси шаҳр Шарифҷони Саидраҳмон, Қаҳоров Комрон сардори шуъбаи дар шаҳри Гулистон будаи РКДАМ Ҷумҳурии Тоҷикистон дар вилояти Суғд, Аҳлиддин Абдураҳмонов мудири бахши кор бо ҷавонон ва варзиши шаҳр, Бахтовар Ҷуразода мудири шуъбаи Агентии меҳнат ва шуғли аҳолӣ ва Кассиров Парвиз корманди комисарати ҳарбии шаҳри Гулистон иштирок ва суханронӣ намуданд.

Зикр карда шуд, ки санаи ки 9 март дар Кохи “Ваҳдат” Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арафаи моҳи шарифи Рамазон бо масъулини мақомоти марказӣ ва маҳаллии ҳокимияти давлатӣ, намояндагони фаъоли аҳли ҷомеа, олимон ва ходимони дин дар арафаи моҳи шарифи Рамазон мулоқот карданд.

Вохӯрии вакили Маҷлиси вакилони халқи вилояти Суғд, Раиси шаҳр Раъно Ҳошимзода бо интихобкунандагон

Имрӯз, 02.04.2024 дар толори Кохи фарҳангии “Истиқлол”-и маркази шаҳр тибқи ҷадвали тасдиқгардидаи Раиси Маҷлиси вакилони халқи вилояти Суғд вохӯрии вакили Маҷлиси вакилони халқи вилояти Суғд, Раиси шаҳри Гулистон Раъно Ҳошимзода бо интихобкунандагон баргузор гардид.

Дар вохӯрӣ вобаста ба эълон гардидани соли 2024 “Соли маърифати ҳуқуқӣ”, расонидани нуктаҳои муҳими мулоқоти Пешвои муаззами миллат муҳтарам Эмомалӣ Раҳмон бо масъулини мақомоти марказӣ ва маҳаллии ҳокимияти давлатӣ, намояндагони фаъоли аҳли ҷомеа, олимон ва ходимони дин, тақвияти корҳои ободонӣ ва дигар масъалаҳо суханронӣ карда шуд.

Вакили Маҷлиси вакилони халқи вилояти Суғд, Раиси шаҳр Раъно Ҳошимзода зимни суҳбат иброз дошт, ки дар Паёми навбатии худ Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикитсон муҳтарам Эмомалӣ Раҳмон ба Маҷлиси Олии кишвар пешниҳод намуданд, ки ба ифтихори 30-солагии қабули Конститутсияи Ҷумҳурии Тоҷикистон соли 2024 «Соли маърифати ҳуқуқӣ» эълон карда шавад. Вобаста ба ин Фармони Президенти Ҷумҳурии Тоҷикистон аз 30-юми декабри соли 2023 таҳти №668 Дар бораи “Соли маърифати ҳуқуқӣ” эълон намудани соли 2024 ба тасвиб расид.

МАРОСИМИ БОТАНТАНАИ ГУСЕЛИ НАВАСКАРОН БА ҲИМОЯИ МАРЗУ БУМИ ВАТАН

Субҳи имрӯз, 01.04.2024 дар назди майдони Нишони давлатии Ҷумҳурии Тоҷикистон дар шаҳр маросими гусели ботантанаи наваскарон ба Сафи Қувваҳои Мусаллаҳи Ҷумҳурии Тоҷикистон баргузор гардид.

Чорабинии тантанавӣ бо садо додани Суруди миллӣ оғоз гардид. Раиси шаҳри Гулистон Раъно Ҳошимзода зимни суханронӣ зикр намуд, ки тибқи Фармони Президенти Ҷумҳурии Тоҷикистон аз 5-уми марти соли 2024, №791  “Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1997-2006 Ҷумҳурии Тоҷикистон ба хизмати ҳарбӣ” ба тавсиб расид. Вобаста ба ин Хизматчиёни ҳарбие, ки муҳлати муқарраргардидаи хизмати ҳарбиро адо намудаанд, моҳҳои апрел-майи соли 2024 ба эҳтиёт рухсат карда мешаванд.

Ҳамчунин, моҳҳои апрел-майи соли 2024 шаҳрвандони ҷинси марди то рӯзи даъват ба синни 18 расида, инчунин шаҳрвандони синни калонтари Ҷумҳурии Тоҷикистон, ки ҳуқуқи ба таъхир андохтани муҳлати даъват ё озод будан аз даъват ба хизмати ҳарбиро надоранд, барои хизмат ба сафи Қувваҳои Мусаллаҳи Ҷумҳурии Тоҷикистон ва дигар ҷузъу томҳо даъват карда мешаванд.