16 июн Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳаи Файзбахши деҳоти Оқсуи ноҳияи Данғара бинои Маркази таъминот ва ташхиси бехатарии Кумитаи озуқавории назди Ҳукумати Ҷумҳурии Тоҷикистонро мавриди истифода қарор доданд.
Зимни шиносоӣ ба Президенти Ҷумҳурии Тоҷикистон муҳтарам Эмомалӣ Раҳмон иттилоъ дода шуд, ки марказ аз 4 шуъба, аз қабили шуъбаи бактерологӣ, серология, фитосанитарӣ, карантинӣ ва тухмӣ иборат мебошад. Ҳамаи утоқҳои корӣ ва ҳуҷраҳои ёрирасон бо компютер ва дигар лавозимоти зарурӣ таъмин карда шудааст, ки ин омил дар оянда барои беҳтар ба роҳ мондани фаъолияти мутахассисони марказ мусоидат менамояд.
Корҳои сохтмонӣ дар ин иншоот моҳи марти соли 2019 оғоз гардида, барои иҷрои корҳои сохтмонӣ қариб 40 нафар сокини маҳаллӣ бо ҷойи кори мавсимӣ ва маоши хуб таъмин карда шуданд. Фармоишгари бинои Маркази таъминот ва ташхиси бехатарии ноҳияи Данғара Кумитаи бехатарии озуқавории назди Ҳукумати Ҷумҳурии Тоҷикистон буда, он бо тарҳи муосир ва сифати баланд сохта шудааст.
Мақолаҳои боқимонда...
- Сарвари давлат Эмомалӣ Раҳмон Корхонаи истеҳсоли равғани ҶДММ «Файзи Алӣ»-ро дар деҳоти Корези ноҳияи Данғара ба истифода доданд
- Пешвои миллат Эмомалӣ Раҳмон коргоҳҳои истеҳсолии Агентии таъминоти амволи махсусро дар деҳоти Корези ноҳияи Данғара мавриди баҳрабардорӣ қарор доданд
- Президенти мамлакат Эмомалӣ Раҳмон Муассисаи таълимии «Коллеҷи тиббӣ-иҷтимоӣ»-и ноҳияи Данғараро ифтитоҳ намуданд