22 Апрел 2022
Рӯзи 21-уми апрели соли 2022 дар асоси нақшаи баргузории силсилаи мулоқоту вохўриҳо дар самти амалисозии татбиқи сиёсати давлатии ҷавонон хониши сиёсӣ таҳти унвони, пешгирии шомилшавии ҷавонон ба ҳизбу ҳаракатҳои тундрав, ҷалби ҷавонон ба хизмати ҳарбӣ, пешгирии таълимоти ғайриқонунии динӣ, иҷрои Қонуни Ҷумҳурии Тоҷикистон "Дар бораи масъулияти падар модар, дар таълиму тарбияи фарзанд", баланд бардоштани маданияти шаҳрдории ҷавонону наврасон ва манфиатҳои миллӣ дар муассисаи таълимии №2-и Ҷамоати шаҳраки Чоруқдаррони шаҳри Гулистон бо ҷавонони синни 16-18 сола ва волидайни онҳо вохӯрӣ баргузор карда шуд.
Дар вохӯрии мазкур Аҳлиддин Абдураҳмонов мудири бахши кор бо ҷавонон ва варзиши шаҳр, Сатторова Матлуба сармутахассиси ҳифзи ҳуқуқи кӯдаки МИҲД-и шаҳр, Аҳлиддин Тоҷиддинов и.в. мудири бахши дин, танзими анъана ва ҷашну маросими шаҳр, Фирӯз Ғаниев мушовири корҳои тарбиявии шуъбаи маорифи шаҳр ва Зулфия Ҷолиева директори муассиса иштирок ва суханронӣ намуданд.
Дар вохўрӣ бо ҷавонон оид ба нуктаҳои муҳими Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, пешгирии шомилшавии ҷавонон ба ҳизбу ҳаракатҳои терористиву экстромистӣ, бегонапарастӣ, аз даст надодани зиракии сиёсӣ ва маданияти шаҳрдорӣ ва дастгириҳои давлатии ҷавонон, суханронӣ карда шуд. Ҳамчунин ҷиҳати расидан ба чорумин ҳадафи стратегии Ҷумҳурии Тоҷикистон "Саноатикунонии босуръати мамлакат" ва бистсолаи солаи омӯзишӣ фанҳои табиатшиносӣ, дақиқ ва риёзӣ ибрози назар карда шуд. Дар рафти вохӯрӣ оид ба тарзи дуруст истифода бурдани шабакаҳои иҷтимоӣ таъкид карда шуд, ки дар зомони имрӯза то рафт муборизаҳои геосиёсӣ миёни гурӯҳҳои алоҳидаи ҷудоихоҳ ва манфиатҷӯй шиддат гирифта, моро водор месозад, ки зиракии сиёсиро аз даст надода, барои ҳифзи асолати таърихӣ камари ҳиммат баста, нагузорем, ки афроди нохалафе ба ин тинҷиву оромӣ ва зиндагии босаодати мардум халале ворид созад. Аз волидайн хоҳиш карда шуд, ки фарзандони худро беназорат нагузоранд, истифодаи телефонҳои мобилии оҳоро ба танзим дароранд ва дар роҳи дуруст ба сӯйи созандагӣ ва илму ҳунар омӯзӣ ҳидояташон намоянд.
Сипас, бо хонандагон ва волидайни онҳо суҳбати озод ҷараён гирифт.