12 Октябр 2018
Корхонаҳои саноатии шаҳр дар давоми нуҳ моҳи соли 2018 ба маблағи 2 миллиарду 660 миллиону 560,9 ҳазор сомонӣ маҳсулот истеҳсол намуданд. Аз ин 96,8%-и ҳаҷми маҳсулоти истеҳсолгардида ба корхонаҳои саноатӣ тааллуқ дошта, 3,2%-и он ба хизматрасонии пулакӣ ва ба бахши соҳибкорони шаҳр мансуб аст. Вазни қиёсии корхонаҳои саноатии шаҳр дар ҳаҷми истеҳсоли маҳсулоти саноатии вилоят 32,9 фоизро ташкил дод. Дар корхонаҳои саноатӣ истеҳсоли барзиёди маҳсулоти саноатӣ аз рӯи 95 намуди аслӣ ба роҳ монда шуд.
Дар ин давра аз 30 корхонаи саноатии шаҳр 18-тои онҳо афзоиши ҳаҷми истеҳсоли маҳсулотро аз 100,0% то ба 546,0% (5,5 маротиба зиёд) расонида, иҷрои онро барзиёд таъмин намуданд.
Дар давоми нуҳ моҳи соли 2018 ду коргоҳи дӯзандагӣ аз тарафи соҳибкорони маҳаллӣ дар маркази шаҳр ва шаҳраки Адрасмон бо 16 ҷои нави корӣ таъсис дода шуд, ки ҳунармандон бо дӯхти либосҳои мактабӣ ва миллӣ машғул мебошанд. Боиси тазаккур аст, ки айни ҳол дар ҳудуди шаҳр корхонаҳои калони дӯзандагӣ, истеҳсоли орд, паррандапарварӣ, коркарди пӯст ва ҳамзамон корхонаҳои хурди истеҳсоли афшураи мевагӣ, коркарди шир, истеҳсоли обҳои ташнашикан ва як сардхонаи замонавӣ фаъолият бурда истодааст.
Дар ҳудуди шаҳр 4 корхонаҳои ордбарорӣ амал мекунанд. Фаъолияти онҳо мунтазам ба роҳ монда шуда, аз рӯи 7 намуди маҳсулот 30,6 тонна маҳсулот ба маблағи 61 млн.669,9 ҳазор сомонӣ истеҳсол карда шудааст.
Дар шаҳр 7 маркази таълимӣ-касбомӯзии атласу адрасбофӣ таъсис дода шуда, бо 33 дастгоҳ, аз ҷумла бо 14 дастгоҳи атласу адрасбофӣ, 19 дастгоҳи қолинбофӣ (5 калон ва 14 хурд) ва 12 мошини дарздӯзӣ муҷаҳҳаз гардидааст. То ин дам дар ин марказҳо 206 нафар занону духтарони хонашин ба касбомӯзӣ фаро гирифта шуда, соҳиби шаҳодатномаи ҳунармандӣ ва касбу ҳунар гардидаанд. То имрӯз 423 нафар занону духтарон дар маркази таълимӣ-касбомӯзӣ фаъолият намуда, соҳиби шаҳодатномаи касбу ҳунар гардиданд. Давоми нуҳ моҳи соли 2018 дар марказҳо 20 ҳазору 800 метр адрас омода ва 55 калоба ҳамчун ашёи хоми асосӣ ранг карда шуд.
Аз тарафи шахсони ҳуқуқӣ ва воқеӣ дар давраи ҳисоботӣ 1137 ҷой таъсис дода шуд, ки 358 ҷой нисбати ҳамин давраи соли гузашта зиёд мебошад.